Para 14
Surah 16
Surah AN-NAHL
ALLAH K NAAM SY SHUROO JO BOHUT MEHRBAN NEHAYAT REHEM FARMANY WALA HY
1.
Allah ka waada
(qreeb) aa pohncha so tum os k chahny meiñ ojlat na kro (jb Kuffaar ny azaab k
nazool aur Qeyaamat k qaem hony ki ba-treeq e takzeeb-o-istehza jaldi ki os par
ye Aayat naazal hui aur bta dia gea k jis ki tum jaldi krty ho wo kuchh door
naheeñ bohut he qreeb hy. Aur apny waqt par bil-yaqeen waqea ho ga. Aur os waqt
tumheñ os sy khulasi ki koi raah na mily gi.). Wo Paak hy aur Wo on chezoñ sy
barr-tarr hy jinheñ kuffaar (Os ka) shreek thehraaty heñ¤
2.
Wohi Frishtoñ ko
Wahi k sath (jo jumla Talimaat-e-Deen ki Rooh aur Jaan hy) Apny Hukam sy Apny
bndoñ meiñ sy Jis par chahta hy naazal farmata hy k (logoñ ko) darr sunao k
Mery siwa koi Mabood naheeñ so Meri par'haiz-gaari ikhtiaar kro¤
3.
Osi ny aasmanoñ
aur zameen ko durust tadbeer k sath paida farmaya (jin meiñ Os ki Toheed k
bay-shumaar dalaael heñ), Wo on chezoñ sy barr-tarr hy jinheñ Kuffaar (Os ka)
shreek gardaanty heñ¤
4.
Osi ny insaan ko
aik toleedi qatrah sy paida farmaya, phir bhi wo (Allah k huzoor mutee hony ki
bjaey) khulla jhag'rhaaloo bann gea (aik daffa Abi bin Khalf kisi murdy ki
galli hui haddi otha laya aur Sarwar-e-Aalam s.a.w.w sy kehny lagga k Aap
s.a.w.w ka ye kheyaal hy k Allah Ta'aala is haddi ko zindagi dy ga,is par ye
Aayat naazal hui aur nehaayat nafees jawaab dia gea k haddi to kuchh na kuchh
ozvi shakkal rakhti bhi hy, Allah ny to aik chhoty sy bay-hisso-o-harkat qatry
sy tujh jaisa jhagrhaaloo insaan paida kr dia. Ye daikh kr bhi tu Os ki Qudrat
par Emaan naheeñ lata)¤
5.
Aur Osi ny
tumhary liye chopaey paida farmaey, in meiñ tumhary liye garm libaas hy aur
(dusry) fawaed heñ aur in meiñ sy baaz ko tum khaty (bhi) ho¤
6.
Aur in meiñ
tumhary liye ronaq (aur dil-kashi bhi) hy jab tum shaam ko chraa-gaah sy
(waapas) laty ho aur jab tum subah ko (charaany k liye) ly jaty ho¤
7.
Aur ye (jaanwar)
tumhary bojh (bhi) on shehroñ tak otha ly jaty heñ jahañ tum baghair jaan-kaah
mushaqqat k naheeñ pohnch skty thy, beshak Tumhara Rabb nehaayat Shafqat wala
nehaayat Mehrban hy ¤
8.
Aur (Osi ny)
ghorhoñ aur khachroñ aur gaddhoñ ko (paida kia) ta k tum on par sawaari kr
sakko aur wo (tumhary liye) baes-e-zeenat bhi hoñ, aur wo (mazeed aisi
ba-zeenat sawaariyoñ ko bhi) paida farmaey ga jinheñ tum (aaj) naheeñ janty
(jaisy hawai jahaaz, rail, barqi aalaat waghaira)¤
9.
aur darmeyaani
raah (yani Siraat-e-Mustaqeem aur Deen-e-Islam) Allah (k darwaazy) par ja
pohnchti hy (q k 2 maqaamaat k darmeyaan jitni raaheñ nikaali jaeñ on meiñ sy
jo beech ki raah ho gi wohi seedhi ho gi) aur os meiñ sy kai tairhi raaheñ bhi
(niklti) heñ (jin par chalny wala manzil-e-maqsood ko naheeñ pohnch skta. Kufr
ki tmaam raaheñ aisi he heñ), aur agar Wo chahta to tum sab he ko hadaayat
farma daita¤
10.
Wohi hy Jis ny
tumhary liye aasman ki janib sy pani otaara, is meiñ sy(kuchh)peeny ka hy aur
isi meiñ sy (kuchh) shajjar-kaari ka hy (jis sy nabaataat,sabzy aur
chraa-gaaheñ ogti heñ) jin meiñ tum (apny muvaishi) charaaty ho ¤
11.
(Allah Ta'aala)
isi Pani Sy tumhary liye khait aur zaitoon aur khajoor aur angoor aur har qisam
k phall (aur maivy) ogaata hy, beshak is meiñ ghoro-o-fikr krny waly logoñ k
liye nishani hy¤
12.
Aur Osi ny
tumhary liye raat aur din ko aur sooraj aur chaand ko musakhar kr dia,aur tmaam
sitaary bhi Osi ki tadbeer (sy nizaam) k paaband heñ,beshak is meiñ aqqal
rakhny waly logoñ k liye nishaniaañ heñ (jo in chezoñ meiñ ghor kr k samjhaiñ k
Allah Ta'aala Mukhtaar-e-Kul hy)¤
13.
Aur (haivanaat,
nabaataat aur maadaniaat waghaira meiñ sy baqqia) jo kuchh bhi Os ny tumhary
liye zameen meiñ paida farmaya hy jin k rang (yani jinsaiñ, no'aiñ, qismaiñ,
khawaas aur munaafa) alag alag heñ (sab tumhary liye musakhar heñ), beshak is
meiñ nasihat qabool krny waly logoñ k liye nishani hy¤
14.
Aur Wohi hy Jis
ny (fiza-o-barr k elawa) behr (yani dar'yaoñ aur samundroñ) ko bhi musakhar
farma dia ta k tum os meiñ sy taza (o pasandida) gosht (yani machhli
waghaira)khao aur tum os meiñ sy moti (yani gohar-o-marjaan waghaira) nikaalo
jinheñ tum zaibaesh k liye pehnty ho,aur (ay insaan) tu kashtiyoñ (aur
jahaazoñ) ko daikhta hy jo (dar'yaoñ aur samundroñ ka) pani cheerty huwy os
meiñ chally jaty heñ, aur (ye sab kuchh is liye kia) ta k tum (door door
takk)Os ka Fazal (yani rizq)tlaash kr0.aur ye k tum shukr guzaar bann jao¤
15.
Aur Osi ny zameen
meiñ (mukhtlif maadoñ ko baaham mila kr) bhaari pahaarh bna diye ta k aisa na
ho k kaheeñ wo (apny mdaar meiñ harkat krty huwy) tumheñ ly kr kaañpny laggy
aur nehraiñ aur (qudarti) raasty (bhi) bnaey ta k tum (manziloñ takk pohnchny k
liye) raah pa sakko¤
16.
Aur (din ko
raah tlaash krny k liye) alaamtaiñ bnaeeñ, aur (raat ko) log sitaaroñ k zarriye
(bhi khushki-o-tarri meiñ) raah paaty heñ¤
17.
Kia Wo Khaaliq Jo
(itna sb kuchh Apni Qudrat-o-Hikmat sy) paida farmaey os k misl ho skta hy jo
(kuchh bhi) paida na kr sakky (aur aajiz-o-bay-qudrat ho jaisy k but, to) kia
tum log nasihat qabool naheeñ krty¤
18.
Aur agar tum
Allah ki Naimtoñ ko shumaar krna chaho to onheñ poora shumaar na kr sakko gy
(chay- jaeka on k shukr sy ohda-braa ho sakko), beshak Allah barha bakhshny
wala nehaayat Mehrban hy (k tumhary adaey shukr sy qasir hony k bawjood apni
Naimtoñ sy tumheñ mehroom naheeñ farmata)¤
19.
Aur Allah janta
hy jo kuchh tum chhupaaty ho aur jo kuchh tum zahir krty ho¤
20.
Aur ye (Mushrik)
log jin (buttoñ) ko Allah k siwa poojty heñ wo kuchh bhi paida naheeñ kr sakty
balky wo khud paida kiye gaey heñ (aur apny wujood meiñ bnaany waly k muhtaaj
heñ)¤
21.
(WO) murdy (yani
bay-jaan) heñ zinda naheeñ, aur (onheñ itna bhi) sha'oor naheeñ k (log) kab
othaey jaeñ gy (to aisy majboor, bay-jaan aur bay-ilm mabood kaisy ho sakty
heñ) ¤
22.
Tumhara Mabood,
Mabood-e-Yakta hy, pus jo log Aakhirat par Emaan naheeñ rakhty on k dil munkar
heñ aur wo sarkash-o-mutakabbar heñ¤
23.
Ye bat
haqq-o-sabit hy k Allah janta hy jo kuchh wo chhupaaty heñ aur jo kuchh wo
zahir krty heñ, beshak Wo sarkashoñ mukabbaroñ ko pasand naheeñ krta¤
24.
Aur jab on sy
poochha jata hy k tumhary Rabb ny kia naazal farmaya hy? (to) wo kehty heñ:
Agli qomoñ k jhooty qissy (otaary heñ.Nazar bin Haris ny bohut see kahaniaañ
yaad kr li theeñ. Jab os sy koi Quran ki nisbat dar'yaft krta to wo logoñ ko
gumrah krny k liye kehta k ye to pehly logoñ ki kahaniaañ heñ. Aisi kahaniaañ
mujhy bhi bohut yaad heñ)¤
25.
(Ye sab kuchh is
liye keh rahy heñ) ta k Roz-e-Qiaamat wo apny (aamaal-e-bd k) poory poory bhoj
othaeñ aur kuchh bhoj on logoñ k bhi (othaeñ) jinheñ (apni) jahaalat k zarriye
gumraah kiye ja rahy heñ, jan lo! Bohut burra bhoj hy jo ye otha rahy heñ¤
26.
Beshak on logoñ
ny (bhi) fraib kia jo in sy pehly thy (yani pehli ommatoñ k log) to Allah ny on
(k makr-o-fraib) ki imaarat ko bun'yadoñ sy okhaarh dia to on k oopar sy on par
chhat gir parhi aur on par os taraf sy azaab aa pohncha jis ka onheñ kuchh
kheyaal bhi na tha (Namrood zamaana-e-Ibrahim a.s meiñ rooey zameen ka sb sy
barha badshah tha.Os ny Baabal meiñ bohut oonchi imaarat bnai the jis ki
bulandi 5 hazaar gaz the aur os ka makr ye tha k os ny ye buland imaarat apny
kheyaal meiñ aasmaan par pohnchny aur aasmaan waloñ sy larhny k liye bnai
the.Allah Ta'aala ny hawaa chlai aur wo imaarat on par gir parhi aur wo log
halaak ho gaey)¤
27.
Phir Wo onheñ
Qiaamat k din ruswa kry ga aur irshaad farmaey ga: Mery wo shreek (jo tum ny
gharh liye thy) kahaañ heñ jin k haq meiñ tum (Mominoñ sy) jhagrha krty thy, wo
log jinheñ ilm dia gea hy (yani on Ommatoñ k Anmbia-o-ulma) kahaiñ gy:
Beshak aaj Kafiroñ par (har qisam ki) ruswai aur barbaadi hy¤
28.
Jin ki Roohaiñ
Frishty is haal meiñ qabz krty heñ k wo apni jaanoñ par (ba'dastoor) zulm kiye
ja rahy hoñ, so wo (Roz-e-Qiaamat apny Kufr sy mukkar jaeñ gy aur)
ata'at-o-farmaañ-bardaari ka izhaar kreñ gy (aur kahaiñ gy) Ham (dunia meiñ)
koi burai naheeñ kia krty thy, (is par Frishty kahaiñ gy) kiyoñ naheeñ, beshak Allah
khoob janta hy jo kuchh tum kia krty thy¤
29.
Pus tum Dozakh k
darwazoñ sy dakhil ho jao, tum is meiñ hamesha rehny waly ho, so takabbar krny
waloñ ka kia he burra thikaana hy¤
30.
Aur par'haizgaar
logoñ sy kaha jaey k tumhary Rabb ny kia naazal farmaya hy? Wo kehty heñ:
(Dunia-o-Aakhirat ki) bhlai (otaari hy. Qabaael-e-Arab ayyaam-e-Hajj meiñ Aap
s.a.w.w ki Nabuwwat ki tehqeeq k liye Makkah ko qaasid bhaijty thy. Ye qasid
jab Makkah pohnchty to inheñ behkaany k liye shehr k kinaary raastoñ par
mamoor Kuffaar k karindoñ meiñ koi Aap s.a.w.w ko jadoo-gr koi kaahin koi
kazzaab koi shaer koi majnooñ kehta aur sath he ye keh dety k tum On sy na
milna yehi tumhary haq meiñ behtar hy. Agar koi qasid Makkah meiñ dakhil ho
jata aur Sahaabah r.a sy milta to Sahaabah r.a osy Quran k haqiqi mazaameen sy
aagah krty), on logoñ k liye jo naiki krty rahy is dunia meiñ (bhi) bhlai hy,
aur Aakhirat ka ghr to zuroor he behtar hy, aur par'haizgaaroñ ka ghr kia he
khoob hy ¤
31.
(Par'haizgaaroñ k
liye Aakhirat meiñ) sadaa bahaar baghaat heñ jin meiñ wo dakhil hoñ gy jin k
neechy sy nehreñ beh rahi hoñ gi, in me on k liye jo kuchh wo chaheñ gy
(mu'yassar) ho ga, is tarah Allah par'haizgaaroñ ko sila ataa farmata hy¤
32.
Jin ki Roohaiñ
Frishty is haal meiñ qabz krty heñ k wo (naiki-o-taa'at k baes) pakiza aur
khush-o-khuram hoñ, (on sy Frishty qabz-e-Rooh k waqt he keh daity heñ) Tum par
salaamti ho,tum Jannat meiñ dakhil ho jao on (aamaal-e-Saleha) k baes jo tum
kia krty thy¤
33.
Ye (Kaafir) aur
kis cheez ka intzaar kr rahy heñ siwaey is k k in k pas (in ki Arwaah qabz
krny) Frishty aa jaeñ ya Aap (s.a.w.w) k Rabb ka Hukm ( e azaab) aa pohnchy,
yehi kuchh on logoñ ny (bhi) kia tha jo in sy pehly thy (yani pehli Ommatoñ k
Kuffaar), aur Allah ny on par zulm naheeñ kia tha laikin wo khud he (Kufr
ikhtiaar kr k) apni jaanoñ par zulm kia krty thy¤
34.
So jo aamaal
onhoñ ny kiye thy onhi ki sazaeñ on ko pohncheeñ aur osi (azaab) ny onheñ aa
ghaira jis ka wo mzaaq orhaaya krty thy ¤
35.
Aur Mushrik log
kehty heñ: Agar Allah chahta to ham Os k siwa kisi bhi cheez ki purastish na
krty, na he ham aur na hmary baap dada, aur na ham Os k (hukam k) baghair kisi
cheez ko hraam qraar daity (is sy on ki muraad ye the k on ka shirk krna aur in
halaal cheezoñ ko hraam qraar daina Allah ki marzi sy hy), yehi kuchh on logoñ
ny (bhi) kia tha jo in sy pehly thy, to kea Rasooloñ k zimma (Allah k phaighaam
aur ahkaam) wazeh tor par pohncha deny k elawa bhi kuchh hy?¤
36.
Aur beshak Ham ny
har Ommat mein aik Rasool bhaija k (wo apni qom sy farmaeñ k ay logo) tum Allah
ki ibaadat kro aur Taghoot (yani Shetan aur buttoñ ki ataa'at-o-purastish) sy
ijtnaab kro, so on meiñ baaz wo huwy jinheñ Allah ny hadaayat farma di (wo
Emaan sy musharraf huwy) aur on meiñ baaz wo huwy jin par gumrahi (theek)
saabit hui (aur wo apni azli shaqaawat sy Kufr par marry), so tum log zmeen
meiñ sair-o-sa'yaahat kro aur daikho k jhutlaany waloñ ka kia anjaam huwa¤
37.
Agar Aap
(s.a.w.w) in k hadaayat par aa jany ki shadeed tallab rakhty heñ to (Aap
s.a.w.w Apni Tabiat-e-Mutahira par is qaddar bhoj na laeñ) beshak Allah jisy
gumrah thehra deta hy osy hadaayat naheeñ farmata (q k on ki gumrahi sabit ho
chukki aur on ki shaqaawat azli hy) aur on k liye koi madad-gaar naheeñ hota ¤
38.
Aur ye log barhi
shadd-o-madd sy Allah ki qasmeñ khaaty heñ k jo mr jaey Allah osy (dubara)
naheeñ othaey ga (aik mushrik aik Musalman ka maqrooz tha. Musalman ny Mushrik
par taqaaza kia, doraan-e-guftgoo Musalman ny is tarah Allah ki qassam khai k
Os ki qassam Jis sy maiñ mrny k bad milny ki tamanna rakhta hooñ, is par
Mushrik ny kaha k kia tera kheyal hy k tu mrny k bad othy ga, aur Mushrik ny
qassam kha kr kaha k Allah murdy na othaey ga. Is par farmaya gea k) q naheeñ
(yani zuroor othaey ga) Os k Zimma-e-Karram par sacha waada hy laikin aksar log
(is othany ki hikmat) naheeñ janty¤
39.
(Murdoñ ka othaya
jana is liye hy) ta k on k liye wo (haq) bat wazeh kr dy jis meiñ wo log
ikhtlaaf krty heñ aur ye k Kafir log jan leñ k haqiqat mein wohi jhooty heñ
(aur murdoñ k zinda kiye jany ka inkar ghalt) ¤
40.
Hmara Farman to
kisi cheez k liye sirf isi qaddar hota hy jab Ham os (ko wujood meiñ lany) ka
iraada krty heñ to Ham osy farmaty heñ: 'HO JA' Pus wo ho jati hy (to Hammeñ
murdoñ ko zinda kr daina kia dushwaar)¤
41.
Aur jinhoñ ny
Allah ki raah meiñ hijrat ki (ye Ashaab-e-Rasool s.a.w.w heñ jin meiñ sy baaz
Habsha chaly gaey phir wahañ sy Madina aaey aur baaz Madina Sharif he ko hijrat
kr gaey) is k baad k on par (tarah tarah k) zulm torhy gaey to Ham zuroor onheñ
dunia (he) meiñ behtar thikaana deñ gy (wo Madina hy jis ko Allah ny on k liye
dar-ul-hijrat bnaya), aur Aakhirat ka ajjar to yaqinan bohut barha hy, Kaash!
Wo (yani Kaafir ya wo log jo hijrat krny sy reh gaey is raaz ko) janty hoty (k
is ka ajjar kitna azeem hy)¤
42.
Jin logoñ ny
(wattan ki mafaarqat aur Kuffaar ki eeza aur jan-o-maal k kharch krny par) sabr
kia aur apny Rabb par tawakkal kiye rakhty heñ (aur Os ki Raza par razi heñ aur
bilkul haq ki tarraf mutawajjo heñ)¤
43.
Aur Ham ny Aap
(s.a.w.w) sy pehly bhi Mardoñ he ko Rasool bna kr bhaija (Mushrikeen-e-Makkah
Sayyad-e-Aalam s.a.w.w ki Nabuwwat ka inkaar krty huwy kehty k Allah Ta'aala ki
Shaan is sy barr-tarr hy k Wo kisi bashar ko Rasool bnaey.Onheñ btaya gea k
Sunnat-e-Elahi isi tarah jari hy. Hamesha insanoñ meiñ sy Mardoñ he ko Rasool
bnaya gea) jin ki taraf Ham Wahi bhaijty thy so tum Ahl-e-Zikr (yani Olma) sy
poochh lia kro (wo tumheñ bta deñ gy k Sunnat-e-Elahi kia hy) agar tumheñ khud
(khuchh) maaloom na ho¤
44.
(Onheñ bhi)wazeh
dlael aur Kitaboñ k sath (bhaija tha), aur (Ay Nabi-e-Mukarram s.a.w.w) Ham ny
Aap (s.a.w.w) ki taraf Zikr-e-Azeem (Quran) naazal farmaya hy ta k Aap
(s.a.w.w) logoñ k liye wo (paighaam aur ahkaam) khoob wazeh kr deñ jo on ki
taraf otaary gaey heñ aur ta k wo ghor-o-fikr kreñ¤
45.
Kia wo bury
makr-o-fraib krny waly log is bat sy bay-khof ho gaey heñ k Allah onheñ zmeen
meiñ dhansaa dy (jaisy Qaroon ko dhansaa dia tha) ya (kisi) aisi jagga sy on
par azaab bhaij dy jis ka onheñ kheyaal bhi na ho (chanaachy aisa he huwa k
Baddar meiñ halaak kiye gaey)¤
46.
ya on ki
naqqal-o-harkat (saffar aur shughal-e-tijaarat) k doraan he onheñ pakkarh ly so
wo (Allah ko azaab krny sy) aajiz naheeñ kr skty ¤
47.
ya onheñ on k
khof-zadda hony par pakkarh ly, to beshak Tumhara Rabb barha Shafeeq nehaayat
Mehrban hy (k azaab meiñ jaldi naheeñ farmata)¤
48.
kia onhoñ ny on
(saya-daar) cheezoñ ki tarraf naheeñ daikha jo Allah ny paida farmai heñ (k) on
k saaey (subah-o-shaam) daeñ aur baeñ atraaf sy Allah k liye Sajdah krty huwy
phirty rehty heñ aur wo (dar-haqiqat) taa'at-o-aajzi ka izhaar krty heñ¤
49.
Aur jo kuchh
aasmanoñ meiñ aur jo kuchh zmeen meiñ hy jumla jan-daar aur Frishty, Allah (he)
ko Sajdah krty heñ (Sajdah 2 tarrah par hy. Musalmanoñ aur Frishtoñ ka Sajdah,
Sajdah-e-taa'at-o-ibaadat hy aur in k ma'siwa har cheez maslan saaya waghaira
ka Sajdah, Sajdah-e-inqiaad-o-khuzoo) aur wo (zra bhi) ghuroor-o-takabbar
naheeñ krty ¤
50.
Wo apny Rabb sy
Jo on k oopar hy darty rehty heñ aur jo hukam onheñ dia jata hy (osy) bjaa
laaty heñ (is Aayat sy saabit huwa k Frishty mukallaf heñ) {AAYAT-E-SAJDAH}¤
51.
Aur Allah ny
farmaya hy: Tum 2 mabood matt bnao, beshak Wohi (Allah) Mabood-e-Yakta hy, aur
tum Mujh he sy darty raho 51¤
52.
Aur jo kuchh
aasmanoñ aur zmeen meiñ hy (sb) Osi ka hy aur (sb k liye) Osi ki farmañ-bardaari
wajib hy. To kia tum ghair az Khuda (kisi) sy darty ho ¤
53.
Aur tumheñ jo
naimat bhi hasil hy so wo Allah he ki janib sy hy, phir jab tumheñ takleef
pohnchti hy (khwa fiqr ki ya marz ki ya koi aur) to tum Osi k aagy
giriaa-o-zaari krty ho (Osi sy Dua mangty ho, Osi sy far'yaad krty ho) ¤
54.
Phir jab Allah os
takleef ko tum sy door farma daita hy to tum meiñ sy aik groh os waqt apny Rabb
sy shirk krny lagta hy¤
55.
(Ye Kufr-o-Shirk
is liye) ta k wo on (naimtoñ) ki na-shukri kreñ jo Ham ny onheñ ataa kr rakhi
heñ, pus (Ay Mushriko! Chnd-roza) faeda otha lo phir tum anqreeb (apny anjaam
ko) jan lo gy¤
56.
Aur ye (Mushrik)
on (buttoñ) k liye jin (ki haqiqat) ko wo khud bhi naheeñ janty os rizq (yani khaitoñ
aur jaanvaroñ waghaira) meiñ sy hissa muqarrar krty heñ jo Ham ny onheñ ataa kr
rakha hy. Allah ki Qassam! Tum sy os buhtaan ki nisbat zuroor poochh gachh ki
jaey gi jo tum baandha krty ho¤
57.
Aur ye
(Kuffaar-o-Mushrikeen) Allah k liye baitiaañ muqarrar krty heñ Wo (is sy yani
olaad sy) Pak hy aur apny liye wo kuchh jin ki wo khwaesh krty heñ (yani apny
liye baitiyoñ ki naheeñ balky baitoñ ki khwaesh krty heñ)¤
58.
Aur jab on meiñ
sy kisi ko larhki (ki paidaesh) ki khabar sunai jati hy to os ka chehra (gham
sy) seyaah ho jata hy aur wo ghussa sy bhr jata hy¤
59.
Wo logoñ sy
chhupa phirta hy (ba-zaam-e-khwesh) os buri khabar ki wajja sy jo osy sunai gai
hy, (ab ye sochny lagta hy k) aaya osy (yani apni baiti ko) zillat-o-ruswai k
sath (zinda) rakhy ya osy matti meiñ dabaa dy (yani zinda dargor kr dy),
khabar-daar! Kitna bura faisla hy jo wo krty heñ¤
60.
On logoñ ki jo
Aakhirat par Emaan naheeñ rakhty (ye) nehaayat buri sift hy, aur buland tarr
sift Allah he ki hy aur Wo Ghalib Hikmat wala hy¤
61.
Aur agar Allah
logoñ ko on k zulm k evaz (foran) pakarh lia krta (yani azaab meiñ jaldi
farmata) to is (zmeen) par kisi jandaar ko na chhorhta (sb ko halaak kr daita)
Lekin Wo onheñ muqarrara me'aad (yani ikhtataam-e-omar) tak muhlat daita hy,
phir jab on ka muqarrar waqt aa pohnchta hy to wo na aik gharhi peechhy ho skty
heñ aur na aagy barh skty heñ¤
62.
Aur
wo (Kaafir-o-Mushrik) Allah k liye wo kuchh muqarrar krty heñ jo (apny liye)
na-pasand krty heñ (yani Allah k liye to baitiaañ muqarrar krty heñ laiken apny
liye baitoñ ko pasand krty heñ) aur on ki zubaneñ jhoot bolti heñ k on k liye
bhlai (yani Jannat) hy, (har giz naheeñ) haqiqat ye hy k on k liye Dozakh hy
aur ye (Dozakh meiñ) sb sy pehly bhaijy jaeñ gy (aur os meiñ hamesha k
liye chhorh diye jaeñ gy) 62¤
63.
Allah
ki Qassam! Yaqinan Ham ny Aap (s.a.w.w) sy pehly (bhi bohut see) Ommatoñ ki
taraf Rasool bhaijy to Shetan ny on (Ommatoñ) k liye on k (bury) aamaal
aaraasta-o-khushnuma kr dikhaey, so wohi (Shetan) aaj on ka dost hy aur on k
liye Dard-naak azaab hy¤
64.
Aur
Ham ny Aap (s.a.w.w) ki tarraf Kitab naheeñ otaari magar is liye k Aap
(s.a.w.w) on par wo (omoor) wazeh kr deñ jin meiñ wo ikhtlaaf krty heñ aur (is
liye k Ye Kitab Quran) Hadaayat aur Rehmat hy os qom k liye jo Emaan ly ai
hy¤
65.
Aur
Allah ny aasmaan ki janib sy pani otaara aur os k zarriye zmeen ko os k murda
(yani banjar) hony k bad zinda (yani sar-sabz-o-shaadaab) kr dia. Beshak is
meiñ (nasihat) sun'ny waloñ k liye nishani hy¤
66.
Aur
beshak tumhary liye muvaishiyoñ meiñ (bhi) maqaam-e-ghor hy, Ham in k jismoñ k
andar ki os cheez sy jo aantoñ k (baaz) mashmoolaat aur khoon k ikhtlaat sy
(wujood meiñ aati hy) khaalis doodh nikaal kr tumheñ pilaty heñ (jo) peeny
waloñ k liye far'hat-bakhsh hota hy (haivaan k jism meiñ ghiza ka aik he mqaam hy
jahaañ chara ghaas bhoosa waghaira pohnchta hy aur doodh, gobar sb isi ghiza sy
paida hoty heñ. In meiñ sy aik dusry sy milny naheeñ pata. Doodh meiñ na khoon
ki rangat ka shaeba hota hy na gobar ki boo ka. Isi tarah Allah k liye ye bhi
mushkil naheeñ k Wo murda k jism k muntashir ajza ko khaak k zarroñ sy alag kr
k dubara zindagi dy)¤
67.
Aur
khujoor aur angoor k phalloñ sy tum shakkar aur (deegar) umda ghizaeñ bnaaty
ho, beshak is meiñ Ahl-e-Aqqal k liye nishani hy ¤
68.
Aur
Aap (s.a.w.w) k Rabb ny Shehed ki mak'khi k dil meiñ (kheyaal) daal dia k tu
baaz pahaarhoñ meiñ apny ghr bna aur baaz drakhtoñ meiñ aur baaz chhaproñ meiñ
(bhi) jinheñ log (chhat ki tarrah) ooncha bnaty heñ¤
69.
Pus
tu har qissam k phalloñ sy rass choosa kr phir apny Rabb k (samjhaey huwy)
raastoñ par (jo in phalloñ aur phooloñ tak jaty heñ jin sy tu ny rass choosna
hy, dusri mak'khiyoñ k liye bhi) aasani fraaham krty huwy challa kr, in k
shikmoñ sy aik peeny ki cheez niklti hy (wo Shehed hy) jis k rang judagaana
hoty heñ, is meiñ logoñ k liye shifa hy, beshak is meiñ ghoro-o-fikr krny waloñ
k liye nishani hy (k Jis Rabb ny aik kmzor na-twaañ mak'khi ko aisi daanai ata
farmai Wo agar marry huwy insaan k muntashir ajza ko jamma kr dy to Os
Qadir-e-Mutliq ki Qudrat sy kia baeed hy)¤
70.
Aur
Allah ny tumheñ paida farmaya hy phir Wo tumheñ wafaat daita (yani tumhari Rooh
qabz krta) hy. Aur tum meiñ sy kisi ko naaqas treen umar (bhurhaapa) ki tarraf
phair dia jata hy ta k (zindagi meiñ bohut kuchh) jaan lainy k baad ab kuchh
bhi na jany (yani insaan mrny sy pehly apni bay-bassi-o-km-maegi ka manzar bhi
daikh ly), beshak Allah khoob jan'ny wala barhi qudrat wala hy¤
71.
Aur
Allah ny tum meiñ sy baaz ko baaz par rizq (k darjaat) meiñ fazeelat di hy
(kisi ko ghanni kia to kisi ko faqeer, kisi ko maal-daar to kisi ko na-daar,
kisi ko malik to kisi ko mamlook ta k Wo tumheñ hukm-e-anfaaq k zarriye
aazmaey), magar jin logoñ ko fazeelat di gai hy wo apni dolat (k kuchh hissa ko
bhi) apny zeir-dast logoñ par naheeñ lotaaty (yani kharch naheeñ krty) halañky
wo sb is meiñ (bun'yadi zurooriaat ki hadd tak) braabar heñ (magar phir bhi
apny ghulamoñ ko apna shreek bnana gwaara naheeñ krty to Allah Ta'aala k bndoñ
aur Os k mamlookoñ ko Os ka shreek thehrana kis tarrah gwaara kr laity
heñ. Ye but-parasti ka kaisa nafees, dil-nasheeñ aur khaatir-gazeeñ radd hy),
to kia wo Allah ki naimtoñ ka inkaar krty heñ (k Os ko chhorh kr makhlooq ko
poojty heñ)¤
72.
Aur
Allah ny tum he meiñ sy tumhary liye jorhy paida farmaey aur tumhary jorhoñ
(yani biviyoñ) sy tumhary liye baity aur poty/nawaasy paida farmaey aur tumheñ
(qisam qisam k ghalloñ, phalloñ aur maivoñ sy) pakiza rizq ataa farmaya, to kia
phir bhi wo (haqq ko chhorh kr) batil (yani shirk-o-but-prasti) par Emaan
rakhty heñ aur Allah ki naimat sy wo na-shukri krty heñ¤
73.
Aur
Allah k siwa on (buttoñ) ki purastish krty heñ jo aasmanoñ aur zmeen sy on k
liye kisi qaddar rizq dainy k bhi malik naheeñ heñ aur na he kuchh qudrat
rakhty hen¤
74.
Pus
tum Allah k liye misl na thehraya kro (kisi ko Os ka shreek na kro), beshak
Allah janta hy aur tum naheeñ janty¤
75.
Allah
ny aik misaal beyaan farmai hy (k) aik ghulaam hy (jo kisi ki) milkiyyat meiñ
hy (khud) kisi cheez par qudrat naheeñ rakhti aur (dusra) wo shakhs hy jisy Ham
ny apni tarraf sy umda rozi ataa farmai hy so wo os meiñ sy poshida aur zaahir
kharch krta hy (jisy chahta hy tasarraf krta hy to wo aajiz mamlook ghulaam aur
ye aazaad maalik saahib-e-maal jo ba-fazzal-e-Elahi qudrat-o-ikhtiaar rakhta
hy), kia wo braabar ho sakty heñ (har giz naheeñ. To jab ghulaam-o-aazaad
braabar naheeñ ho sakty bawjood ye k donoñ Allah k bndy heñ to Allah Khaaliq,
Maalik, Qaadir k sath bay-qudrat-o-ikhtiaar kaisy shreek ho sakty heñ.), sb
tareefeñ Allah k liye heñ, balky on meiñ sy aksar (is bun'yaadi haqiqat ko bhi)
naheeñ janty (k aisy Braheen-e-Bayyena k hoty huwy shirk krna kitny barhy
wabaal-o-azaab ka sabbab hy)¤
76.
Aur
Allah ny 2 (aisy) aadmiyoñ ki misaal beyaan farmai hy jin meiñ sy aik goonga hy
wo kisi cheez par qudrat naheeñ rakhta (na apni bat kisi sy keh sakky na dusry
ki bat samajh sakky) aur wo apny maalik par bojh hy wo (maalik) osy jidhar bhi
bhaijta hy koi bhlai ly kr naheeñ aata, kia wo (goonga) aur (dusra) wo shakhs
jo (is mansab ka haamil hy k) logoñ ko addal-o-insaaf ka hukam daita hy aur wo
khud bhi seedhi raah par gaamzan hy (donoñ) brabar ho sakty heñ (goongy
na-kaara ghulam sy buttoñ ko tamseel di gai hy aur insaaf ka hukam daina
Shaan-e-Elahi ka beyaan huwa, so Allah Ta'aala k sath buttoñ ko shreek krna
baatil hy. Q k insaaf qaem krny waly Badshah k sath goongy aur na-kaara ghulaam
ko kia nisbat)¤
77.
Aur
aasmanoñ aur zmeen ka (sb) ghaib Allah he k liye hy (is meiñ Allah Ta'aala k
kmaal ilm ka beyaan hy k Wo jmee ghayyoob ka jan'ny wala hy.Os par koi chhupny
wali cheez poshida naheeñ reh sakti), aur Qeyaamat k bapaa hony ka waqea is
qaddar taizi sy ho ga jaisy aankh ka jhapakna ya is sy bhi taiz-tarr (q k
pallak jhapakny meiñ bhi kuchh waqt to lagta hy. Laikin Allah jis cheez ka hona
chahy Wo 'KUN' farmaty he ho jati hy), beshak Allah har cheez par barha Qaadir
hy¤
78.
Aur
Allah ny tumheñ tumhari maaoñ k pait sy (is haalat meiñ) bahir nikaala k tum
kuchh na janty thy (aur apni paidaesh ki ibtda aur awwal fitrat meiñ
ilm-o-maarfat sy khali thy) aur Os ny tumhary liye kaan aur aankheñ aur dil
bnaey ta k tum (in sy apna paidaeshi jehel door kro aur ilm-o-amal sy faiz-yaab
ho kr in naimtoñ ka) shukr bjaa lao¤
79.
Kia
onhoñ ny prindoñ ko naheeñ daikha jo aasmaan ki hawaa meiñ
(qanoon-e-harkat-o-parwaaz k) paaband (ho kr orhty rehty) heñ, onheñ Allah k (qanoon
k) siwa koi cheez thaamy huwy naheeñ hy, beshak is (parwaaz k osool) meiñ Emaan
waloñ k liye nishaniaañ heñ ¤
80.
Aur
Allah ny tumhary liye tumhary gharroñ ko (mustqil) skoonat ki jagga bnaya aur
tumhary liye chopaayoñ ki khaaloñ sy (aarzi) ghr (yani khaimy) bnaey jinheñ tum
apny saffar k waqt aur (doraan-e-saffar manziloñ par) apny thehrny k waqt halka
phulka paaty ho aur (Osi Allah ny tumhary liye) bhairhoñ aur dunmboñ ki oon aur
oontoñ ki pasham aur bakriyoñ k baaloñ sy ghrailoo istmaal aur (ma'eeshat-o-tijaarat
meiñ) faeda othaany k asbaab bnaey (jo) muqarrarah muddat tak (heñ)¤
81.
Aur
Allah he ny tumhary liye apni paida-krda kai cheezoñ k saey bnaey aur Os ny
tumhary liye pahaarhoñ meiñ pnaah-gaaheñ bnaeeñ aur Os ny tumhary liye (kuchh)
aisy libaas bnaey jo tumheñ garmi sy bchaaty heñ aur (kuchh) aisy libaas jo
tumheñ shadeed jang meiñ (dushman k waar sy) bchaaty heñ, is tarrah Allah tum
par apni Naimat ( e Kifaalat-o-hifaazat) poori farmata hy ta k tum (Os ki
Naimtoñ ka aitraaf krty huwy Os k huzoor) sarr-e-niaaz khamm kr do¤
82.
So
agar (phir bhi) wo roo-gardaani kreñ (aur Kufr par datty raheñ) to (Ay
Nabi-e-Mu'azzam s.a.w.w) Aap k zimma to sirf (Mery Paighaam aur Ahkaam ko) saaf
saaf pohncha daina hy¤
83.
Ye
log Allah ki Naimat ko pehchaanty heñ (k ye Allah ki tarraf sy hy) phir os ka
inkaar krty heñ (k Emaan naheeñ laty) aur in meiñ sy aksar Kaafir heñ ¤
84.
Aur
jis Din (yani Roz-e-Qeyaamat) Ham har Ommat sy (os k Rasool ko os Ommat k
aamaal par) gwaah bna kr othaeñ gy phir Kaafir logoñ ko (koi ozr paish krny ki)
ijaazat naheeñ di jaey gi aur na (os waqt) on sy Toba-o-Rujoo ka mutaalba kia
jaey ga ¤
85.
Aur
jab zaalim log azaab daikh leñ gy to na on sy (os azaab ki) takhfeef ki jaey gi
aur na he onheñ muhlat di jaey gi¤
86.
Aur
jab Mushrik log apny (khud saakhta) shreekoñ (yani buttoñ waghaira) ko daikheñ
gy to kaheñ gy: Ay Hmary Rabb! Yehi hmary shreek thy jin ki ham Tujhy chhorh kr
purastish krty thy, pus wo (shurkaa) onheñ (jwaaban) paighaam bhaijeñ gy k
beshak tum jhooty ho (jo hammeñ mabood btaty ho. Ham ny tumheñ apni ibaadat ki
daawat naheeñ di the)¤
87.
Aur
ye (Mushrikeen) os Din Allah k huzoor aajzi-o-farmaañ-bardaari zaahir kreñ gy
aur on sy wo sara buhtaan jata rahy ga jo ye baandha krty thy¤
88.
Jin
logoñ ny Kufr kea aur (dusroñ ko) Allah ki raah sy rokty rahy Ham on k azaab
par azaab ka izaafa kreñ gy is wajjah sy k wo fasaad-angaizi krty thy ¤
89.
Aur
(ye) wo Din ho ga (jab) Ham har Ommat meiñ onhi meiñ sy khud on par aik gwaah
othaeñ gy (ye gwaah Anmbia a.s hoñ gy jo apni apni Ommatoñ par gwaahi deñ gy)
aur (Ay Habib-e-Mukarram s.a.w.w) Ham Aap (s.a.w.w) ko on sb (Ommatoñ aur
Paighambroñ) par gwaah bna kr laeñ gy, aur Ham ny Aap (s.a.w.w) par Wo Azeem
Kitaab naazal farmai hy jo har cheez ka barha waazeh beyaan hy aur Musalmanoñ k
liye Hadaayat aur Rehmat aur Bashaarat hy¤
90.
Beshak
Allah (har aik k sath) addal aur ehsaan ka hukam farmata hy aur qraabat-daroñ
ko daity rehny ka aur bay-ha'yaai aur bury kaamoñ aur sarkashi-o-nafarmani sy
manna farmata hy, Wo tumheñ nasihat farmata hy ta k tum khoob yaad rakho ¤
91.
(Ye
Aayat tmaam khair-o-sharr k beyaan ka majmooa hy. Yehi Aayat Usman Bin Maz'oon
R.A k Islam lany ka sabbab banni Jo farmaty heñ k is Aayat k nazool sy Emaan
Mery dil meiñ jagga pakarh gea. Is Aayat ka asar itna zabar-dast tha k
Waleed-bin-Mughayyara aur Abo-Jehel jaisy sakht-dil Kuffaar ki zubanoñ par bhi
is ki tareef aa he gai. Is liye ye Aayat har Khutbah k aakhir meiñ parhi jati
hy) Aur tum Allah ka Aihed poora kr dia kro jab tum aihed kro (ye Aayat on logoñ
k haq meiñ naazal Hui jinhoñ ny Sarkaar-e-Madina s.a.w.w sy Islam par bait ki
the. Onheñ apny Aihed k wafaa krny ka hukam dia gea. Aur is hukam meiñ insaan
ka har aihed-e-naik aur wada shamil hy) aur Qasmoñ ko pukhta kr lainy k bad
onheñ matt torha kro halañky tum Allah ko (Os k Naam ki Qassam kha kr) apny aap
par zaamin bna chuky ho, beshak Allah khoob janta hy jo kuchh tum krty ho¤
92.
Aur
(tum Aihed aur Qasmeñ torh kr) os aurat ki tarrah na ho jao jis ny apna
soot mazboot kaat lainy k bad torh kr tuk'rhy tuk'rhy kr dala (Makkah Mukarma
meiñ aik aurat the jis ki tabiat meiñ bohut wehem tha aur aqqal meiñ fatoor. Wo
dupeher tak mehnat kr k soot kaata krti aur apni baandiyoñ sy bhi katwaati aur
dupeher k waqt os kaaty huwy ko torh kr raiza raiza kr dalti aur baandiyoñ sy
bhi torhwaati. Yehi os ka maamool tha. Maani ye heñ k apny Aihed ko torh kr os
aurat ki tarrah bay-waqoof na banno), tum apni qasmoñ ko apny darmeyaan
fraib-kaari ka zarria bnaty ho ta k (is tarrah) aik groh dusry groh sy zeyaada
faeda othaany wala ho jaey, bat ye hy k Allah (bhi) tumheñ isi k zarria aazmata
hy, aur Wo tumhary liye Qeyaamat k din on batoñ ko zuroor waazeh farma dy ga
jin meiñ tum ikhtlaaf kia krty thy¤
93.
Aur
agar Allah chahta to tum (sb) ko aik he Ommat bna daita (k tum sb aik he deen
par hoty) laikin Wo jisy chahta hy (Apny Addal sy) gumraah thehra daita hy aur
jisy chahta hy (Apny Fazzal sy) hadaayat farma daita hy, aur tum sy
(Roz-e-Qeyaamat) on kaamoñ ki nisbat zuroor poochha jaey ga jo tum (dunia meiñ)
anjaam dia krty thy¤
94.
Aur
tum apni qasmoñ ko aapas meiñ fraib-kaari ka zarria na bnaya kro warna qaddam
(Islam par) jamm jany k bad larh'kharhaa jaey ga aur tum is wajjah sy k Allah
ki raah sy rokty thy bury injaam ka mazza chak'kho gy aur tumhary liye
zabbar-dast azaab hy ¤
95.
Aur
Allah k Aihed haqeer see qeemat (yani duniyavi maal-o-dolat) k evaz matt baich
dala kro, beshak jo (ajr) Allah k pas hy wo tumhary liye behtar hy agar tum (is
raaz ko) janty ho ¤
96.
Jo
(maal-o-zarr) tumhary pas hy fanaa ho jaey ga aur jo (khazaana-e-Rehmat-o-Swaab-e-Aakhirat)
Allah k pas hy, baqi rehny wala hy, aur Ham on logon ko jinhoñ ny sabr kea
zuroor on ka ajr ataa farmaeñ gy on k achhy aamaal k evaz jo wo anjaam daity
rahy thy ¤
97.
Jo
koi naik ammal kry (khawaa) mard ho ya aurat jab k wo Momin ho (Momin hona
shart hy q k Kuffaar k aamaal baikaar heñ.) to Ham osy zuroor pakiza zindagi k
sath zinda rakheñ gy, aur onheñ zuroor on ka ajr (bhi) ataa farmaeñ gy (dunia
meiñ Rizq-e-Halaal aur qanaa'at ataa farma kr aur Aakhirat meiñ Jannat ki Naimteñ
dy kr) on achhy aamaal k evaz jo wo anjaam daity thy ¤
98.
So jab Aap Quran
parhny laggeñ to Shetan Mardood (ki waswasa-andaaziyoñ) sy Allah ki pnaah maang
lia kreñ (yani Tilaawat-e-Quran-e-Kareem shuroo krty waqt Ta'ooz parh lia kreñ)¤
99.
Beshak osy (yani
Shetan ko) on logoñ par kuchh (bhi) ghalba hasil naheeñ hy jo Emaan laey aur
apny Rabb par tawakkal krty heñ¤
100.
Bas os ka ghalba
sirf onhi logoñ par hy jo osy dost bnaty heñ aur jo Allah k sath shirk krny
waly heñ ¤
101.
Aur jab Ham kisi
Aayat ki jagga dusri Aayat baddal daity heñ (aur apni hikmat sy aik hukam ko
mansookh kr k dusra hukam deñ) aur Allah (he) behtar janta hy jo (kuchh) Wo
naazal farmata hy (k is meiñ kia hikmat aur Os k bndoñ k liye is meiñ kia
muslehat hy to) Kuffaar kehty heñ k Aap (s.a.w.w) to bs apni tarraf sy gharhny
waly heñ, (is par Allah ny Kuffaar ka radd farmaya aur irshaad huwa) balky on
meiñ sy aksar log (Aayatoñ k otaarny aur baddalny ki hikmat) naheeñ janty ¤
102.
Farma deejiye: Is
(Quran) ko Rooh-ul-Quds (Jibraeel a.s) ny Aap (s.a.w.w) k Rabb ki tarraf sy
schai k sath otaara hy ta k Emaan waloñ ko saabit-qaddam rakhy aur (ye)
Musalmanoñ k liye Hadaayat aur Bashaarat hy ¤
103.
Aur beshak Ham
janty heñ k wo (Kuffaar-o-Mushrikeen) kehty heñ k Onheñ ye (Quran) mehez koi
aadmi he sikhaata hy, jis shakhs ki tarraf wo bat ko haq sy hataaty huwy
mansoob krty heñ os ki zubaan Ajmi hy aur ye Quran waazeh-o-roshan Arbi zubaan
(meiñ) hy (Kuffaar ny aik Ajmi ghulaam ki nisbat ye kaha k wo Sayyad-e-Aalam
s.a.w.w ko sikhata hy. Is k radd meiñ ye Aayat-e-Kareema naazal hui aur irshad
huwa k aisi baatil bateñ dunia meiñ kon qabool kr skta hy jis ghulaam ki tarraf
Kuffaar nisbat krty heñ wo to Ajmi hy. Aisa kalaam bnana os k to kia tumhary
fus'ha-o-balgha k bas ki bat bhi naheeñ jin ki zubaan-daani par Ehl-e-Arab ko
fakhr-o-naaz hy. Khuda ki Shaan jis ghulaam ki tarraf Kuffaar ye nisbat krty
thy os ko bhi is Kalaam k Aijaaz ny tas'kheer kea aur wo bhi sidq-o-ikhlaas k
sath Islam laya) ¤
104.
Beshak jo log
Allah ki Aayatoñ par Emaan naheeñ laty Allah onheñ Hadaayat (yani sahi
fehm-o-baseerat ki tofeeq bhi) naheeñ daita aur on k liye dard-naak azaab hy ¤
105.
Beshak jhooti
iftra-pardaazi (bhi) wohi log krty heñ jo Allah ki Aayatoñ par Emaan naheeñ
laty aur wohi log jhooty heñ¤
106.
Jo shakhs apny Emaan
lany k bad Kufr kry (os par Allah ka ghazzab), siwaey os k jisy intahai majboor
kr dia gea magar os ka dil (ba-dastoor) Emaan sy mutma'in hy (wo maghzoob
naheeñ. Kuffaar ny Ammaar-bin-Yasir r.a k walidain ko shaheed kia aur Ammaar
r.a par itni sakhti ki k aap ny majboor ho kr kalma-e-kufr keh dia.
Sarwar-e-Aalam s.a.w.w ny on sy poochha k kalma-e-Kufr k waqt tumhary dil ka
kia aalam tha, Ammaar r.a ny kaha k Emaan par jamma huwa tha. To Aap s.a.w.w ny
Ammaar r.a ko bay-gunah qraar dia), laikin (haañ) wo shakhs jis ny (dobara)
sharrah-e-sdr k sath Kufr (ikhtiaar) kea so on par Allah ki tarraf sy ghazzab
hy aur on k liye zabbar-dast azaab hy ¤
107.
Ye is wajjah sy k
onhoñ ny duniyavi zindagi ko Aakhirat par aziz rakha aur is liye k Allah
Kaafiroñ ki qom ko hadaayat naheeñ fermata ¤
108.
Ye (sharrah-e-sdr
k sath Kufr krny waly) wo log heñ k Allah ny in k dilloñ par aur in k kaanoñ
par aur in ki aankhoñ par muhr lga di hy aur yehi log he (Aakhirat k injaam sy)
ghaafil heñ ¤
109.
Ye haqiqat hy k
beshak yehi log Aakhirat meiñ khsaara othaany waly heñ ¤
110.
Phir Aap
(s.a.w.w) ka Rabb on logoñ k liye jinhoñ ny aazmaeshoñ (aur takleefoñ) meiñ
mubtla kiye jany k bad hijrat ki (yani Allah k liye apny wattan chhorh diye aur
Makkah Mukarrama sy Madina Munavvara hijrat ki) phir jahaad kiye aur
(preshaniyoñ par) sbr kiye to (Ay Habib-e-Mukarram s.a.w.w) Aap ka Rabb is
(hijrat-o-jahaad aur sbr) k bad barha bakhshny wala nehaayat Mehrban hy ¤
111.
Wo din (yaad
kreñ) jab har shakhs mehez apni jan ki tarraf sy (difa k liye) jhagarhta huwa
haazir ho ga aur har jan ko jo kuchh os ny kia ho ga os ka poora poora bdla dia
jaey ga aur on par koi zulm naheeñ kia jaey ga (Roz-e-Qeyaamat Rooh-o-Jism me b
jhagrha ho ga. Rooh kahy gi: Ya Rabb na mery hath thy, na paoñ, na aankh. Jism
kahy ga: Ya Rabb me to lakrhi ki tarrah tha, Jab Rooh Noori shuaa ki tarrah ai
to is sy meri zubaan bolny lagi, aankh beena ho gai, paoñ chalny laggy. Jo
kuchh kia is ny kea.Allah aik misaal beyaan farmaey ga k aik andha aur aik
loola donoñ baagh meiñ gaey. Andhy ko phall nazar naheeñ aaty thy aur looly ka
hath on tak naheeñ pohnchta tha. To andhy ny looly ko apny oopar swaar kr lia.
Is tarrah onhoñ ny phall torhy to donoñ saza k mustahiq huwy. So Rooh-o-Jism
donoñ mulzim heñ) ¤
112.
Aur Allah ny aik
aisi basti ki misaal beyaan farmai hy jo (barhy) aman aur itminaan sy (aabaad)
the os ka rizq os k (makeenoñ k) pas har tarraf sy barhi wus'at-o-fraaghat k
sath aata tha phir os basti (waloñ) ny Allah ki naimtoñ ki na-shukri ki to
Allah ny osy bhook aur khof k azaab ka libaas pehna dia on aamaal k sabbab sy
jo wo krty thy ¤
113.
Aur beshak on k
pas onhi meiñ sy aik Rasool aaya to onhoñ ny Osy jhutlaya pus onheñ azaab ny aa
pakrha aur wo zaalim he thy (yehi haal Ehl-e-Makkah ka huwa k wo khush-haal thy
magar jab onhoñ ny Sarwar-e-Aalam s.a.w.w ki takzeeb ki to Aap s.a.w.w ki
bd-dua sy qehet aur khushk-saali ki museebat meiñ griftaar rahy yahaañ tak k
murdaar khaty thy. Phir aman k bjaey khof-o-hraas on par musallat huwa aur har
waqt Musalmanoñ k hamly ka andesha rehny lagga) ¤
114.
Pus jo halaal aur
pakiza rizq tumheñ Allah ny bakhsha hy, tum os meiñ sy khaya kro aur Allah ki
naimat ka shukr bja laty raho agar tum Osi ki ibaadat krty ho¤
115.
Os ny tum par
sirf murdaar aur khoon aur khanzeer ka gosht aur wo (jaanwar) jis par zibbah
krty waqt ghair-Allah ka naam pukaara gea ho (yani os ko buttoñ k naam par
zibbah kia gea ho), hraam kia hy, phir jo shakhs haalat-e-iztraar (yani intahai
majboori ki haalat) meiñ ho, na (tallab-e-lazzat meiñ Ahkaam-e-Elahi sy)
sarkashi krny wala ho aur na (majboori ki hadd sy) tajaawaz krny wala ho, to
beshak Allah barha bakhshny wala nehaayat Mehrban hy ¤
116.
Aur wo
jhoot matt kaha kro jo tumhari zubaaneñ beyaan krti rehti heñ k ye halaal
hy aur ye haraam hy is tarrah k tum Allah par jhoota buhtaan baandho
(zamaana-e-jahiliat k log apni tarraf sy baaz cheezoñ ko halaal, baaz ko haraam
kr lia krty thy aur is ki nisbat Allah Ta'aala ki tarraf kr daity), beshak jo
log Allah par jhoota buhtaan baandhty heñ wo (kabhi) flaah naheeñ paeñ gy ¤
117.
(Duniyavi) Faeda
thorha hy magar on k liye (Aakhirat ka) azaab (barha) dard-naak hy ¤
118.
Aur Yahood par
Ham ny wohi cheezeñ haraam ki theeñ jo Ham pehly Aap sy (Surah Al-An'aam meiñ)
beyaan kr chuky heñ aur Ham ny on par zulm naheeñ kia tha laikin wo khud
(baghaawat-o-maasiyyat ka irtkaab kr k) apni jaanoñ par zulm kia krty thy ¤
119.
Phir beshak Aap
ka Rabb on logoñ k liye jinhoñ ny naadani sy (baghair injaam sochy) ghaltiyañ
keen phir os k bad taeb ho gaey aur (apni) haalat durust kr li to beshak Aap ka
Rabb is (toba) k bad barha bakhshny wala nehaayat Mehrban hy ¤
120.
Beshak Ibrahim
(a.s tanha Zaat meiñ) aik Ommat thy, Allah k barhy farmaañ-bardaar thy, har
baatil sy kinara-kash (sirf Osi ki tarraf yaksoo) thy, aur Mushrikoñ meiñ sy na
thy ¤
121.
Os (Allah) ki
naimtoñ par shaakir thy, Allah ny Onheñ chun (kr Apni Baargah meiñ Khaas
barguzeeda bna) lia aur Onheñ seedhi raah ki tarraf hadaayat farma di ¤
122.
Aur Ham ny Onheñ
dunia meiñ (bhi) bhlai ataa farmai, aur beshak Wo Aakhirat meiñ (bhi) Saliheen
meiñ sy hoñ gy ¤
123.
Phir (Ay
Habib-e-Mukarram s.a.w.w) Ham ny Aap (s.a.w.w) ki tarraf Wahi bhaiji k Aap
(s.a.w.w) Ibrahim (a.s) k Deen ki pairvi kreñ jo har baatil sy juda thy, aur Wo
Mushrikoñ meiñ sy na thy (Ibrahim a.s k Fazael meiñ sb sy Aa'la fazzal-o-sharf
ye hy k Sardaar-e-Anmbia s.a.w.w ny Aqaaed-o-Osool-e-Deen meiñ Deen-e-Ibrahimi
a.s ki mawaafiqat farmai) ¤
124.
Hafta ka din sirf
onhi logoñ par muqarrar kia gea tha jinhoñ ny is meiñ ikhtilaaf kia (Moosa a.s
ny apni qom sy Juma k din ki tazeem ka hukam farmaya tha aur irshad kia tha k
hafta meiñ aik din Allah Ta'aala ki ibadat k liye khaas kro. Os din koi kaam na
kro. Kuchh logoñ k siwa baqi qom ny is meiñ ikhtilaaf kea aur kaha wo din Juma
naheeñ balky hafta hona chahye), aur beshak Aap ka Rabb Qeyaamat k Din on k
darmeyaan on (baatoñ) ka faisla farma dy ga jin meiñ wo ikhtilaaf kia krty thy ¤
125.
(Ay
Rasool-e-Muazzam s.a.w.w) Aap Apny Rabb ki Raah ki tarraf Hikmat aur Omda
Nasihat k sath bulaeye aur on sy behes (bhi) aisy andaaz sy keejiye jo Nehaayat
Ahsan ho, beshak Aap (s.a.w.w) ka Rabb os shakhs ko (bhi) khoob janta hy jo Os
ki Raah sy bhattak gea aur Wo Hadaayat-Yaafta logoñ ko (bhi) khoob janta hy ¤
126.
Aur agar tum saza
daina chaho to otni he saza do jis qaddar takleef tumheñ di gai the
(Jang-e-Ohad meiñ Kuffaar ny Hazrat Hamza r.a ka Pait chaak kia aur On k Aa'za
kaaty. Huzoor s.a.w.w ko bohut sadma huwa aur Aap s.a.w.w ny Qassam khai k
Hazrat Hamza r.a k bdly meiñ 70 Kaafiroñ ka yehi haal kia jaey ga. Is par ye
Aayat naazal hui to Aap s.a.w.w ny Apna irada tark farmaya aur Qassam ka
Kaffaara dia), aur agar tum sabbar kro (aur intqaam na lo) to yaqinan wo sabbar
krny waloñ k liye behtar hy ¤
127.
Aur (Ay
Habib-e-Mukarram s.a.w.w) sabbar keejiye aur Aap (s.a.w.w) ka sabbar krna Allah
he k sath hy aur Aap (s.a.w.w) on (ki sar-kashi) par ranjida-khaatir na huwa
kreñ aur Aap (s.a.w.w) on ki Fraib-kaariyoñ sy (Apny Kushaada Seena meiñ) tangi
(bhi) mehsoos na kia kreñ (q k Allah Aap s.a.w.w k sath hy) ¤
128. Beshak Allah on logoñ ko Apni Ma'eyyat (e Khaas) sy
nawaazta hy jo Sahibaan-e-Taqwa hoñ aur wo log jo Sahibaan-e-Ehsaan (bhi) hoñ¤{LAST
AAYAT OF 14th PARA}
14th Para ka tarjuma (September 25, 2012 to January 10, 2013) 108 din meiñ mukammal huwa.
Surah
AN-NAHL Makki Surah hy.
14th Para (RUBAMA) ki tafseel ye hy.
Ruku : 22
Aayaat :
226
Para 14
Surah 16
Surah AN-NAHL
Surah 16
Surah AN-NAHL
ALLAH K NAAM SY SHUROO JO BOHUT MEHRBAN NEHAYAT REHEM FARMANY WALA HY
1.
Allah ka waada
(qreeb) aa pohncha so tum os k chahny meiñ ojlat na kro (jb Kuffaar ny azaab k
nazool aur Qeyaamat k qaem hony ki ba-treeq e takzeeb-o-istehza jaldi ki os par
ye Aayat naazal hui aur bta dia gea k jis ki tum jaldi krty ho wo kuchh door
naheeñ bohut he qreeb hy. Aur apny waqt par bil-yaqeen waqea ho ga. Aur os waqt
tumheñ os sy khulasi ki koi raah na mily gi.). Wo Paak hy aur Wo on chezoñ sy
barr-tarr hy jinheñ kuffaar (Os ka) shreek thehraaty heñ¤
2.
Wohi Frishtoñ ko
Wahi k sath (jo jumla Talimaat-e-Deen ki Rooh aur Jaan hy) Apny Hukam sy Apny
bndoñ meiñ sy Jis par chahta hy naazal farmata hy k (logoñ ko) darr sunao k
Mery siwa koi Mabood naheeñ so Meri par'haiz-gaari ikhtiaar kro¤
3.
Osi ny aasmanoñ
aur zameen ko durust tadbeer k sath paida farmaya (jin meiñ Os ki Toheed k
bay-shumaar dalaael heñ), Wo on chezoñ sy barr-tarr hy jinheñ Kuffaar (Os ka)
shreek gardaanty heñ¤
4.
Osi ny insaan ko
aik toleedi qatrah sy paida farmaya, phir bhi wo (Allah k huzoor mutee hony ki
bjaey) khulla jhag'rhaaloo bann gea (aik daffa Abi bin Khalf kisi murdy ki
galli hui haddi otha laya aur Sarwar-e-Aalam s.a.w.w sy kehny lagga k Aap
s.a.w.w ka ye kheyaal hy k Allah Ta'aala is haddi ko zindagi dy ga,is par ye
Aayat naazal hui aur nehaayat nafees jawaab dia gea k haddi to kuchh na kuchh
ozvi shakkal rakhti bhi hy, Allah ny to aik chhoty sy bay-hisso-o-harkat qatry
sy tujh jaisa jhagrhaaloo insaan paida kr dia. Ye daikh kr bhi tu Os ki Qudrat
par Emaan naheeñ lata)¤
5.
Aur Osi ny
tumhary liye chopaey paida farmaey, in meiñ tumhary liye garm libaas hy aur
(dusry) fawaed heñ aur in meiñ sy baaz ko tum khaty (bhi) ho¤
6.
Aur in meiñ
tumhary liye ronaq (aur dil-kashi bhi) hy jab tum shaam ko chraa-gaah sy
(waapas) laty ho aur jab tum subah ko (charaany k liye) ly jaty ho¤
7.
Aur ye (jaanwar)
tumhary bojh (bhi) on shehroñ tak otha ly jaty heñ jahañ tum baghair jaan-kaah
mushaqqat k naheeñ pohnch skty thy, beshak Tumhara Rabb nehaayat Shafqat wala
nehaayat Mehrban hy ¤
8.
Aur (Osi ny)
ghorhoñ aur khachroñ aur gaddhoñ ko (paida kia) ta k tum on par sawaari kr
sakko aur wo (tumhary liye) baes-e-zeenat bhi hoñ, aur wo (mazeed aisi
ba-zeenat sawaariyoñ ko bhi) paida farmaey ga jinheñ tum (aaj) naheeñ janty
(jaisy hawai jahaaz, rail, barqi aalaat waghaira)¤
9.
aur darmeyaani
raah (yani Siraat-e-Mustaqeem aur Deen-e-Islam) Allah (k darwaazy) par ja
pohnchti hy (q k 2 maqaamaat k darmeyaan jitni raaheñ nikaali jaeñ on meiñ sy
jo beech ki raah ho gi wohi seedhi ho gi) aur os meiñ sy kai tairhi raaheñ bhi
(niklti) heñ (jin par chalny wala manzil-e-maqsood ko naheeñ pohnch skta. Kufr
ki tmaam raaheñ aisi he heñ), aur agar Wo chahta to tum sab he ko hadaayat
farma daita¤
10.
Wohi hy Jis ny
tumhary liye aasman ki janib sy pani otaara, is meiñ sy(kuchh)peeny ka hy aur
isi meiñ sy (kuchh) shajjar-kaari ka hy (jis sy nabaataat,sabzy aur
chraa-gaaheñ ogti heñ) jin meiñ tum (apny muvaishi) charaaty ho ¤
11.
(Allah Ta'aala)
isi Pani Sy tumhary liye khait aur zaitoon aur khajoor aur angoor aur har qisam
k phall (aur maivy) ogaata hy, beshak is meiñ ghoro-o-fikr krny waly logoñ k
liye nishani hy¤
12.
Aur Osi ny
tumhary liye raat aur din ko aur sooraj aur chaand ko musakhar kr dia,aur tmaam
sitaary bhi Osi ki tadbeer (sy nizaam) k paaband heñ,beshak is meiñ aqqal
rakhny waly logoñ k liye nishaniaañ heñ (jo in chezoñ meiñ ghor kr k samjhaiñ k
Allah Ta'aala Mukhtaar-e-Kul hy)¤
13.
Aur (haivanaat,
nabaataat aur maadaniaat waghaira meiñ sy baqqia) jo kuchh bhi Os ny tumhary
liye zameen meiñ paida farmaya hy jin k rang (yani jinsaiñ, no'aiñ, qismaiñ,
khawaas aur munaafa) alag alag heñ (sab tumhary liye musakhar heñ), beshak is
meiñ nasihat qabool krny waly logoñ k liye nishani hy¤
14.
Aur Wohi hy Jis
ny (fiza-o-barr k elawa) behr (yani dar'yaoñ aur samundroñ) ko bhi musakhar
farma dia ta k tum os meiñ sy taza (o pasandida) gosht (yani machhli
waghaira)khao aur tum os meiñ sy moti (yani gohar-o-marjaan waghaira) nikaalo
jinheñ tum zaibaesh k liye pehnty ho,aur (ay insaan) tu kashtiyoñ (aur
jahaazoñ) ko daikhta hy jo (dar'yaoñ aur samundroñ ka) pani cheerty huwy os
meiñ chally jaty heñ, aur (ye sab kuchh is liye kia) ta k tum (door door
takk)Os ka Fazal (yani rizq)tlaash kr0.aur ye k tum shukr guzaar bann jao¤
15.
Aur Osi ny zameen
meiñ (mukhtlif maadoñ ko baaham mila kr) bhaari pahaarh bna diye ta k aisa na
ho k kaheeñ wo (apny mdaar meiñ harkat krty huwy) tumheñ ly kr kaañpny laggy
aur nehraiñ aur (qudarti) raasty (bhi) bnaey ta k tum (manziloñ takk pohnchny k
liye) raah pa sakko¤
16.
Aur (din ko
raah tlaash krny k liye) alaamtaiñ bnaeeñ, aur (raat ko) log sitaaroñ k zarriye
(bhi khushki-o-tarri meiñ) raah paaty heñ¤
17.
Kia Wo Khaaliq Jo
(itna sb kuchh Apni Qudrat-o-Hikmat sy) paida farmaey os k misl ho skta hy jo
(kuchh bhi) paida na kr sakky (aur aajiz-o-bay-qudrat ho jaisy k but, to) kia
tum log nasihat qabool naheeñ krty¤
18.
Aur agar tum
Allah ki Naimtoñ ko shumaar krna chaho to onheñ poora shumaar na kr sakko gy
(chay- jaeka on k shukr sy ohda-braa ho sakko), beshak Allah barha bakhshny
wala nehaayat Mehrban hy (k tumhary adaey shukr sy qasir hony k bawjood apni
Naimtoñ sy tumheñ mehroom naheeñ farmata)¤
19.
Aur Allah janta
hy jo kuchh tum chhupaaty ho aur jo kuchh tum zahir krty ho¤
20.
Aur ye (Mushrik)
log jin (buttoñ) ko Allah k siwa poojty heñ wo kuchh bhi paida naheeñ kr sakty
balky wo khud paida kiye gaey heñ (aur apny wujood meiñ bnaany waly k muhtaaj
heñ)¤
21.
(WO) murdy (yani
bay-jaan) heñ zinda naheeñ, aur (onheñ itna bhi) sha'oor naheeñ k (log) kab
othaey jaeñ gy (to aisy majboor, bay-jaan aur bay-ilm mabood kaisy ho sakty
heñ) ¤
22.
Tumhara Mabood,
Mabood-e-Yakta hy, pus jo log Aakhirat par Emaan naheeñ rakhty on k dil munkar
heñ aur wo sarkash-o-mutakabbar heñ¤
23.
Ye bat
haqq-o-sabit hy k Allah janta hy jo kuchh wo chhupaaty heñ aur jo kuchh wo
zahir krty heñ, beshak Wo sarkashoñ mukabbaroñ ko pasand naheeñ krta¤
24.
Aur jab on sy
poochha jata hy k tumhary Rabb ny kia naazal farmaya hy? (to) wo kehty heñ:
Agli qomoñ k jhooty qissy (otaary heñ.Nazar bin Haris ny bohut see kahaniaañ
yaad kr li theeñ. Jab os sy koi Quran ki nisbat dar'yaft krta to wo logoñ ko
gumrah krny k liye kehta k ye to pehly logoñ ki kahaniaañ heñ. Aisi kahaniaañ
mujhy bhi bohut yaad heñ)¤
25.
(Ye sab kuchh is
liye keh rahy heñ) ta k Roz-e-Qiaamat wo apny (aamaal-e-bd k) poory poory bhoj
othaeñ aur kuchh bhoj on logoñ k bhi (othaeñ) jinheñ (apni) jahaalat k zarriye
gumraah kiye ja rahy heñ, jan lo! Bohut burra bhoj hy jo ye otha rahy heñ¤
26.
Beshak on logoñ
ny (bhi) fraib kia jo in sy pehly thy (yani pehli ommatoñ k log) to Allah ny on
(k makr-o-fraib) ki imaarat ko bun'yadoñ sy okhaarh dia to on k oopar sy on par
chhat gir parhi aur on par os taraf sy azaab aa pohncha jis ka onheñ kuchh
kheyaal bhi na tha (Namrood zamaana-e-Ibrahim a.s meiñ rooey zameen ka sb sy
barha badshah tha.Os ny Baabal meiñ bohut oonchi imaarat bnai the jis ki
bulandi 5 hazaar gaz the aur os ka makr ye tha k os ny ye buland imaarat apny
kheyaal meiñ aasmaan par pohnchny aur aasmaan waloñ sy larhny k liye bnai
the.Allah Ta'aala ny hawaa chlai aur wo imaarat on par gir parhi aur wo log
halaak ho gaey)¤
27.
Phir Wo onheñ
Qiaamat k din ruswa kry ga aur irshaad farmaey ga: Mery wo shreek (jo tum ny
gharh liye thy) kahaañ heñ jin k haq meiñ tum (Mominoñ sy) jhagrha krty thy, wo
log jinheñ ilm dia gea hy (yani on Ommatoñ k Anmbia-o-ulma) kahaiñ gy:
Beshak aaj Kafiroñ par (har qisam ki) ruswai aur barbaadi hy¤
28.
Jin ki Roohaiñ
Frishty is haal meiñ qabz krty heñ k wo apni jaanoñ par (ba'dastoor) zulm kiye
ja rahy hoñ, so wo (Roz-e-Qiaamat apny Kufr sy mukkar jaeñ gy aur)
ata'at-o-farmaañ-bardaari ka izhaar kreñ gy (aur kahaiñ gy) Ham (dunia meiñ)
koi burai naheeñ kia krty thy, (is par Frishty kahaiñ gy) kiyoñ naheeñ, beshak Allah
khoob janta hy jo kuchh tum kia krty thy¤
29.
Pus tum Dozakh k
darwazoñ sy dakhil ho jao, tum is meiñ hamesha rehny waly ho, so takabbar krny
waloñ ka kia he burra thikaana hy¤
30.
Aur par'haizgaar
logoñ sy kaha jaey k tumhary Rabb ny kia naazal farmaya hy? Wo kehty heñ:
(Dunia-o-Aakhirat ki) bhlai (otaari hy. Qabaael-e-Arab ayyaam-e-Hajj meiñ Aap
s.a.w.w ki Nabuwwat ki tehqeeq k liye Makkah ko qaasid bhaijty thy. Ye qasid
jab Makkah pohnchty to inheñ behkaany k liye shehr k kinaary raastoñ par
mamoor Kuffaar k karindoñ meiñ koi Aap s.a.w.w ko jadoo-gr koi kaahin koi
kazzaab koi shaer koi majnooñ kehta aur sath he ye keh dety k tum On sy na
milna yehi tumhary haq meiñ behtar hy. Agar koi qasid Makkah meiñ dakhil ho
jata aur Sahaabah r.a sy milta to Sahaabah r.a osy Quran k haqiqi mazaameen sy
aagah krty), on logoñ k liye jo naiki krty rahy is dunia meiñ (bhi) bhlai hy,
aur Aakhirat ka ghr to zuroor he behtar hy, aur par'haizgaaroñ ka ghr kia he
khoob hy ¤
31.
(Par'haizgaaroñ k
liye Aakhirat meiñ) sadaa bahaar baghaat heñ jin meiñ wo dakhil hoñ gy jin k
neechy sy nehreñ beh rahi hoñ gi, in me on k liye jo kuchh wo chaheñ gy
(mu'yassar) ho ga, is tarah Allah par'haizgaaroñ ko sila ataa farmata hy¤
32.
Jin ki Roohaiñ
Frishty is haal meiñ qabz krty heñ k wo (naiki-o-taa'at k baes) pakiza aur
khush-o-khuram hoñ, (on sy Frishty qabz-e-Rooh k waqt he keh daity heñ) Tum par
salaamti ho,tum Jannat meiñ dakhil ho jao on (aamaal-e-Saleha) k baes jo tum
kia krty thy¤
33.
Ye (Kaafir) aur
kis cheez ka intzaar kr rahy heñ siwaey is k k in k pas (in ki Arwaah qabz
krny) Frishty aa jaeñ ya Aap (s.a.w.w) k Rabb ka Hukm ( e azaab) aa pohnchy,
yehi kuchh on logoñ ny (bhi) kia tha jo in sy pehly thy (yani pehli Ommatoñ k
Kuffaar), aur Allah ny on par zulm naheeñ kia tha laikin wo khud he (Kufr
ikhtiaar kr k) apni jaanoñ par zulm kia krty thy¤
34.
So jo aamaal
onhoñ ny kiye thy onhi ki sazaeñ on ko pohncheeñ aur osi (azaab) ny onheñ aa
ghaira jis ka wo mzaaq orhaaya krty thy ¤
35.
Aur Mushrik log
kehty heñ: Agar Allah chahta to ham Os k siwa kisi bhi cheez ki purastish na
krty, na he ham aur na hmary baap dada, aur na ham Os k (hukam k) baghair kisi
cheez ko hraam qraar daity (is sy on ki muraad ye the k on ka shirk krna aur in
halaal cheezoñ ko hraam qraar daina Allah ki marzi sy hy), yehi kuchh on logoñ
ny (bhi) kia tha jo in sy pehly thy, to kea Rasooloñ k zimma (Allah k phaighaam
aur ahkaam) wazeh tor par pohncha deny k elawa bhi kuchh hy?¤
36.
Aur beshak Ham ny
har Ommat mein aik Rasool bhaija k (wo apni qom sy farmaeñ k ay logo) tum Allah
ki ibaadat kro aur Taghoot (yani Shetan aur buttoñ ki ataa'at-o-purastish) sy
ijtnaab kro, so on meiñ baaz wo huwy jinheñ Allah ny hadaayat farma di (wo
Emaan sy musharraf huwy) aur on meiñ baaz wo huwy jin par gumrahi (theek)
saabit hui (aur wo apni azli shaqaawat sy Kufr par marry), so tum log zmeen
meiñ sair-o-sa'yaahat kro aur daikho k jhutlaany waloñ ka kia anjaam huwa¤
37.
Agar Aap
(s.a.w.w) in k hadaayat par aa jany ki shadeed tallab rakhty heñ to (Aap
s.a.w.w Apni Tabiat-e-Mutahira par is qaddar bhoj na laeñ) beshak Allah jisy
gumrah thehra deta hy osy hadaayat naheeñ farmata (q k on ki gumrahi sabit ho
chukki aur on ki shaqaawat azli hy) aur on k liye koi madad-gaar naheeñ hota ¤
38.
Aur ye log barhi
shadd-o-madd sy Allah ki qasmeñ khaaty heñ k jo mr jaey Allah osy (dubara)
naheeñ othaey ga (aik mushrik aik Musalman ka maqrooz tha. Musalman ny Mushrik
par taqaaza kia, doraan-e-guftgoo Musalman ny is tarah Allah ki qassam khai k
Os ki qassam Jis sy maiñ mrny k bad milny ki tamanna rakhta hooñ, is par
Mushrik ny kaha k kia tera kheyal hy k tu mrny k bad othy ga, aur Mushrik ny
qassam kha kr kaha k Allah murdy na othaey ga. Is par farmaya gea k) q naheeñ
(yani zuroor othaey ga) Os k Zimma-e-Karram par sacha waada hy laikin aksar log
(is othany ki hikmat) naheeñ janty¤
39.
(Murdoñ ka othaya
jana is liye hy) ta k on k liye wo (haq) bat wazeh kr dy jis meiñ wo log
ikhtlaaf krty heñ aur ye k Kafir log jan leñ k haqiqat mein wohi jhooty heñ
(aur murdoñ k zinda kiye jany ka inkar ghalt) ¤
40.
Hmara Farman to
kisi cheez k liye sirf isi qaddar hota hy jab Ham os (ko wujood meiñ lany) ka
iraada krty heñ to Ham osy farmaty heñ: 'HO JA' Pus wo ho jati hy (to Hammeñ
murdoñ ko zinda kr daina kia dushwaar)¤
41.
Aur jinhoñ ny
Allah ki raah meiñ hijrat ki (ye Ashaab-e-Rasool s.a.w.w heñ jin meiñ sy baaz
Habsha chaly gaey phir wahañ sy Madina aaey aur baaz Madina Sharif he ko hijrat
kr gaey) is k baad k on par (tarah tarah k) zulm torhy gaey to Ham zuroor onheñ
dunia (he) meiñ behtar thikaana deñ gy (wo Madina hy jis ko Allah ny on k liye
dar-ul-hijrat bnaya), aur Aakhirat ka ajjar to yaqinan bohut barha hy, Kaash!
Wo (yani Kaafir ya wo log jo hijrat krny sy reh gaey is raaz ko) janty hoty (k
is ka ajjar kitna azeem hy)¤
42.
Jin logoñ ny
(wattan ki mafaarqat aur Kuffaar ki eeza aur jan-o-maal k kharch krny par) sabr
kia aur apny Rabb par tawakkal kiye rakhty heñ (aur Os ki Raza par razi heñ aur
bilkul haq ki tarraf mutawajjo heñ)¤
43.
Aur Ham ny Aap
(s.a.w.w) sy pehly bhi Mardoñ he ko Rasool bna kr bhaija (Mushrikeen-e-Makkah
Sayyad-e-Aalam s.a.w.w ki Nabuwwat ka inkaar krty huwy kehty k Allah Ta'aala ki
Shaan is sy barr-tarr hy k Wo kisi bashar ko Rasool bnaey.Onheñ btaya gea k
Sunnat-e-Elahi isi tarah jari hy. Hamesha insanoñ meiñ sy Mardoñ he ko Rasool
bnaya gea) jin ki taraf Ham Wahi bhaijty thy so tum Ahl-e-Zikr (yani Olma) sy
poochh lia kro (wo tumheñ bta deñ gy k Sunnat-e-Elahi kia hy) agar tumheñ khud
(khuchh) maaloom na ho¤
44.
(Onheñ bhi)wazeh
dlael aur Kitaboñ k sath (bhaija tha), aur (Ay Nabi-e-Mukarram s.a.w.w) Ham ny
Aap (s.a.w.w) ki taraf Zikr-e-Azeem (Quran) naazal farmaya hy ta k Aap
(s.a.w.w) logoñ k liye wo (paighaam aur ahkaam) khoob wazeh kr deñ jo on ki
taraf otaary gaey heñ aur ta k wo ghor-o-fikr kreñ¤
45.
Kia wo bury
makr-o-fraib krny waly log is bat sy bay-khof ho gaey heñ k Allah onheñ zmeen
meiñ dhansaa dy (jaisy Qaroon ko dhansaa dia tha) ya (kisi) aisi jagga sy on
par azaab bhaij dy jis ka onheñ kheyaal bhi na ho (chanaachy aisa he huwa k
Baddar meiñ halaak kiye gaey)¤
46.
ya on ki
naqqal-o-harkat (saffar aur shughal-e-tijaarat) k doraan he onheñ pakkarh ly so
wo (Allah ko azaab krny sy) aajiz naheeñ kr skty ¤
47.
ya onheñ on k
khof-zadda hony par pakkarh ly, to beshak Tumhara Rabb barha Shafeeq nehaayat
Mehrban hy (k azaab meiñ jaldi naheeñ farmata)¤
48.
kia onhoñ ny on
(saya-daar) cheezoñ ki tarraf naheeñ daikha jo Allah ny paida farmai heñ (k) on
k saaey (subah-o-shaam) daeñ aur baeñ atraaf sy Allah k liye Sajdah krty huwy
phirty rehty heñ aur wo (dar-haqiqat) taa'at-o-aajzi ka izhaar krty heñ¤
49.
Aur jo kuchh
aasmanoñ meiñ aur jo kuchh zmeen meiñ hy jumla jan-daar aur Frishty, Allah (he)
ko Sajdah krty heñ (Sajdah 2 tarrah par hy. Musalmanoñ aur Frishtoñ ka Sajdah,
Sajdah-e-taa'at-o-ibaadat hy aur in k ma'siwa har cheez maslan saaya waghaira
ka Sajdah, Sajdah-e-inqiaad-o-khuzoo) aur wo (zra bhi) ghuroor-o-takabbar
naheeñ krty ¤
50.
Wo apny Rabb sy
Jo on k oopar hy darty rehty heñ aur jo hukam onheñ dia jata hy (osy) bjaa
laaty heñ (is Aayat sy saabit huwa k Frishty mukallaf heñ) {AAYAT-E-SAJDAH}¤
51.
Aur Allah ny
farmaya hy: Tum 2 mabood matt bnao, beshak Wohi (Allah) Mabood-e-Yakta hy, aur
tum Mujh he sy darty raho 51¤
52.
Aur jo kuchh
aasmanoñ aur zmeen meiñ hy (sb) Osi ka hy aur (sb k liye) Osi ki farmañ-bardaari
wajib hy. To kia tum ghair az Khuda (kisi) sy darty ho ¤
53.
Aur tumheñ jo
naimat bhi hasil hy so wo Allah he ki janib sy hy, phir jab tumheñ takleef
pohnchti hy (khwa fiqr ki ya marz ki ya koi aur) to tum Osi k aagy
giriaa-o-zaari krty ho (Osi sy Dua mangty ho, Osi sy far'yaad krty ho) ¤
54.
Phir jab Allah os
takleef ko tum sy door farma daita hy to tum meiñ sy aik groh os waqt apny Rabb
sy shirk krny lagta hy¤
55.
(Ye Kufr-o-Shirk
is liye) ta k wo on (naimtoñ) ki na-shukri kreñ jo Ham ny onheñ ataa kr rakhi
heñ, pus (Ay Mushriko! Chnd-roza) faeda otha lo phir tum anqreeb (apny anjaam
ko) jan lo gy¤
56.
Aur ye (Mushrik)
on (buttoñ) k liye jin (ki haqiqat) ko wo khud bhi naheeñ janty os rizq (yani khaitoñ
aur jaanvaroñ waghaira) meiñ sy hissa muqarrar krty heñ jo Ham ny onheñ ataa kr
rakha hy. Allah ki Qassam! Tum sy os buhtaan ki nisbat zuroor poochh gachh ki
jaey gi jo tum baandha krty ho¤
57.
Aur ye
(Kuffaar-o-Mushrikeen) Allah k liye baitiaañ muqarrar krty heñ Wo (is sy yani
olaad sy) Pak hy aur apny liye wo kuchh jin ki wo khwaesh krty heñ (yani apny
liye baitiyoñ ki naheeñ balky baitoñ ki khwaesh krty heñ)¤
58.
Aur jab on meiñ
sy kisi ko larhki (ki paidaesh) ki khabar sunai jati hy to os ka chehra (gham
sy) seyaah ho jata hy aur wo ghussa sy bhr jata hy¤
59.
Wo logoñ sy
chhupa phirta hy (ba-zaam-e-khwesh) os buri khabar ki wajja sy jo osy sunai gai
hy, (ab ye sochny lagta hy k) aaya osy (yani apni baiti ko) zillat-o-ruswai k
sath (zinda) rakhy ya osy matti meiñ dabaa dy (yani zinda dargor kr dy),
khabar-daar! Kitna bura faisla hy jo wo krty heñ¤
60.
On logoñ ki jo
Aakhirat par Emaan naheeñ rakhty (ye) nehaayat buri sift hy, aur buland tarr
sift Allah he ki hy aur Wo Ghalib Hikmat wala hy¤
61.
Aur agar Allah
logoñ ko on k zulm k evaz (foran) pakarh lia krta (yani azaab meiñ jaldi
farmata) to is (zmeen) par kisi jandaar ko na chhorhta (sb ko halaak kr daita)
Lekin Wo onheñ muqarrara me'aad (yani ikhtataam-e-omar) tak muhlat daita hy,
phir jab on ka muqarrar waqt aa pohnchta hy to wo na aik gharhi peechhy ho skty
heñ aur na aagy barh skty heñ¤
62.
Aur
wo (Kaafir-o-Mushrik) Allah k liye wo kuchh muqarrar krty heñ jo (apny liye)
na-pasand krty heñ (yani Allah k liye to baitiaañ muqarrar krty heñ laiken apny
liye baitoñ ko pasand krty heñ) aur on ki zubaneñ jhoot bolti heñ k on k liye
bhlai (yani Jannat) hy, (har giz naheeñ) haqiqat ye hy k on k liye Dozakh hy
aur ye (Dozakh meiñ) sb sy pehly bhaijy jaeñ gy (aur os meiñ hamesha k
liye chhorh diye jaeñ gy) 62¤
63.
Allah
ki Qassam! Yaqinan Ham ny Aap (s.a.w.w) sy pehly (bhi bohut see) Ommatoñ ki
taraf Rasool bhaijy to Shetan ny on (Ommatoñ) k liye on k (bury) aamaal
aaraasta-o-khushnuma kr dikhaey, so wohi (Shetan) aaj on ka dost hy aur on k
liye Dard-naak azaab hy¤
64.
Aur
Ham ny Aap (s.a.w.w) ki tarraf Kitab naheeñ otaari magar is liye k Aap
(s.a.w.w) on par wo (omoor) wazeh kr deñ jin meiñ wo ikhtlaaf krty heñ aur (is
liye k Ye Kitab Quran) Hadaayat aur Rehmat hy os qom k liye jo Emaan ly ai
hy¤
65.
Aur
Allah ny aasmaan ki janib sy pani otaara aur os k zarriye zmeen ko os k murda
(yani banjar) hony k bad zinda (yani sar-sabz-o-shaadaab) kr dia. Beshak is
meiñ (nasihat) sun'ny waloñ k liye nishani hy¤
66.
Aur
beshak tumhary liye muvaishiyoñ meiñ (bhi) maqaam-e-ghor hy, Ham in k jismoñ k
andar ki os cheez sy jo aantoñ k (baaz) mashmoolaat aur khoon k ikhtlaat sy
(wujood meiñ aati hy) khaalis doodh nikaal kr tumheñ pilaty heñ (jo) peeny
waloñ k liye far'hat-bakhsh hota hy (haivaan k jism meiñ ghiza ka aik he mqaam hy
jahaañ chara ghaas bhoosa waghaira pohnchta hy aur doodh, gobar sb isi ghiza sy
paida hoty heñ. In meiñ sy aik dusry sy milny naheeñ pata. Doodh meiñ na khoon
ki rangat ka shaeba hota hy na gobar ki boo ka. Isi tarah Allah k liye ye bhi
mushkil naheeñ k Wo murda k jism k muntashir ajza ko khaak k zarroñ sy alag kr
k dubara zindagi dy)¤
67.
Aur
khujoor aur angoor k phalloñ sy tum shakkar aur (deegar) umda ghizaeñ bnaaty
ho, beshak is meiñ Ahl-e-Aqqal k liye nishani hy ¤
68.
Aur
Aap (s.a.w.w) k Rabb ny Shehed ki mak'khi k dil meiñ (kheyaal) daal dia k tu
baaz pahaarhoñ meiñ apny ghr bna aur baaz drakhtoñ meiñ aur baaz chhaproñ meiñ
(bhi) jinheñ log (chhat ki tarrah) ooncha bnaty heñ¤
69.
Pus
tu har qissam k phalloñ sy rass choosa kr phir apny Rabb k (samjhaey huwy)
raastoñ par (jo in phalloñ aur phooloñ tak jaty heñ jin sy tu ny rass choosna
hy, dusri mak'khiyoñ k liye bhi) aasani fraaham krty huwy challa kr, in k
shikmoñ sy aik peeny ki cheez niklti hy (wo Shehed hy) jis k rang judagaana
hoty heñ, is meiñ logoñ k liye shifa hy, beshak is meiñ ghoro-o-fikr krny waloñ
k liye nishani hy (k Jis Rabb ny aik kmzor na-twaañ mak'khi ko aisi daanai ata
farmai Wo agar marry huwy insaan k muntashir ajza ko jamma kr dy to Os
Qadir-e-Mutliq ki Qudrat sy kia baeed hy)¤
70.
Aur
Allah ny tumheñ paida farmaya hy phir Wo tumheñ wafaat daita (yani tumhari Rooh
qabz krta) hy. Aur tum meiñ sy kisi ko naaqas treen umar (bhurhaapa) ki tarraf
phair dia jata hy ta k (zindagi meiñ bohut kuchh) jaan lainy k baad ab kuchh
bhi na jany (yani insaan mrny sy pehly apni bay-bassi-o-km-maegi ka manzar bhi
daikh ly), beshak Allah khoob jan'ny wala barhi qudrat wala hy¤
71.
Aur
Allah ny tum meiñ sy baaz ko baaz par rizq (k darjaat) meiñ fazeelat di hy
(kisi ko ghanni kia to kisi ko faqeer, kisi ko maal-daar to kisi ko na-daar,
kisi ko malik to kisi ko mamlook ta k Wo tumheñ hukm-e-anfaaq k zarriye
aazmaey), magar jin logoñ ko fazeelat di gai hy wo apni dolat (k kuchh hissa ko
bhi) apny zeir-dast logoñ par naheeñ lotaaty (yani kharch naheeñ krty) halañky
wo sb is meiñ (bun'yadi zurooriaat ki hadd tak) braabar heñ (magar phir bhi
apny ghulamoñ ko apna shreek bnana gwaara naheeñ krty to Allah Ta'aala k bndoñ
aur Os k mamlookoñ ko Os ka shreek thehrana kis tarrah gwaara kr laity
heñ. Ye but-parasti ka kaisa nafees, dil-nasheeñ aur khaatir-gazeeñ radd hy),
to kia wo Allah ki naimtoñ ka inkaar krty heñ (k Os ko chhorh kr makhlooq ko
poojty heñ)¤
72.
Aur
Allah ny tum he meiñ sy tumhary liye jorhy paida farmaey aur tumhary jorhoñ
(yani biviyoñ) sy tumhary liye baity aur poty/nawaasy paida farmaey aur tumheñ
(qisam qisam k ghalloñ, phalloñ aur maivoñ sy) pakiza rizq ataa farmaya, to kia
phir bhi wo (haqq ko chhorh kr) batil (yani shirk-o-but-prasti) par Emaan
rakhty heñ aur Allah ki naimat sy wo na-shukri krty heñ¤
73.
Aur
Allah k siwa on (buttoñ) ki purastish krty heñ jo aasmanoñ aur zmeen sy on k
liye kisi qaddar rizq dainy k bhi malik naheeñ heñ aur na he kuchh qudrat
rakhty hen¤
74.
Pus
tum Allah k liye misl na thehraya kro (kisi ko Os ka shreek na kro), beshak
Allah janta hy aur tum naheeñ janty¤
75.
Allah
ny aik misaal beyaan farmai hy (k) aik ghulaam hy (jo kisi ki) milkiyyat meiñ
hy (khud) kisi cheez par qudrat naheeñ rakhti aur (dusra) wo shakhs hy jisy Ham
ny apni tarraf sy umda rozi ataa farmai hy so wo os meiñ sy poshida aur zaahir
kharch krta hy (jisy chahta hy tasarraf krta hy to wo aajiz mamlook ghulaam aur
ye aazaad maalik saahib-e-maal jo ba-fazzal-e-Elahi qudrat-o-ikhtiaar rakhta
hy), kia wo braabar ho sakty heñ (har giz naheeñ. To jab ghulaam-o-aazaad
braabar naheeñ ho sakty bawjood ye k donoñ Allah k bndy heñ to Allah Khaaliq,
Maalik, Qaadir k sath bay-qudrat-o-ikhtiaar kaisy shreek ho sakty heñ.), sb
tareefeñ Allah k liye heñ, balky on meiñ sy aksar (is bun'yaadi haqiqat ko bhi)
naheeñ janty (k aisy Braheen-e-Bayyena k hoty huwy shirk krna kitny barhy
wabaal-o-azaab ka sabbab hy)¤
76.
Aur
Allah ny 2 (aisy) aadmiyoñ ki misaal beyaan farmai hy jin meiñ sy aik goonga hy
wo kisi cheez par qudrat naheeñ rakhta (na apni bat kisi sy keh sakky na dusry
ki bat samajh sakky) aur wo apny maalik par bojh hy wo (maalik) osy jidhar bhi
bhaijta hy koi bhlai ly kr naheeñ aata, kia wo (goonga) aur (dusra) wo shakhs
jo (is mansab ka haamil hy k) logoñ ko addal-o-insaaf ka hukam daita hy aur wo
khud bhi seedhi raah par gaamzan hy (donoñ) brabar ho sakty heñ (goongy
na-kaara ghulam sy buttoñ ko tamseel di gai hy aur insaaf ka hukam daina
Shaan-e-Elahi ka beyaan huwa, so Allah Ta'aala k sath buttoñ ko shreek krna
baatil hy. Q k insaaf qaem krny waly Badshah k sath goongy aur na-kaara ghulaam
ko kia nisbat)¤
77.
Aur
aasmanoñ aur zmeen ka (sb) ghaib Allah he k liye hy (is meiñ Allah Ta'aala k
kmaal ilm ka beyaan hy k Wo jmee ghayyoob ka jan'ny wala hy.Os par koi chhupny
wali cheez poshida naheeñ reh sakti), aur Qeyaamat k bapaa hony ka waqea is
qaddar taizi sy ho ga jaisy aankh ka jhapakna ya is sy bhi taiz-tarr (q k
pallak jhapakny meiñ bhi kuchh waqt to lagta hy. Laikin Allah jis cheez ka hona
chahy Wo 'KUN' farmaty he ho jati hy), beshak Allah har cheez par barha Qaadir
hy¤
78.
Aur
Allah ny tumheñ tumhari maaoñ k pait sy (is haalat meiñ) bahir nikaala k tum
kuchh na janty thy (aur apni paidaesh ki ibtda aur awwal fitrat meiñ
ilm-o-maarfat sy khali thy) aur Os ny tumhary liye kaan aur aankheñ aur dil
bnaey ta k tum (in sy apna paidaeshi jehel door kro aur ilm-o-amal sy faiz-yaab
ho kr in naimtoñ ka) shukr bjaa lao¤
79.
Kia
onhoñ ny prindoñ ko naheeñ daikha jo aasmaan ki hawaa meiñ
(qanoon-e-harkat-o-parwaaz k) paaband (ho kr orhty rehty) heñ, onheñ Allah k (qanoon
k) siwa koi cheez thaamy huwy naheeñ hy, beshak is (parwaaz k osool) meiñ Emaan
waloñ k liye nishaniaañ heñ ¤
80.
Aur
Allah ny tumhary liye tumhary gharroñ ko (mustqil) skoonat ki jagga bnaya aur
tumhary liye chopaayoñ ki khaaloñ sy (aarzi) ghr (yani khaimy) bnaey jinheñ tum
apny saffar k waqt aur (doraan-e-saffar manziloñ par) apny thehrny k waqt halka
phulka paaty ho aur (Osi Allah ny tumhary liye) bhairhoñ aur dunmboñ ki oon aur
oontoñ ki pasham aur bakriyoñ k baaloñ sy ghrailoo istmaal aur (ma'eeshat-o-tijaarat
meiñ) faeda othaany k asbaab bnaey (jo) muqarrarah muddat tak (heñ)¤
81.
Aur
Allah he ny tumhary liye apni paida-krda kai cheezoñ k saey bnaey aur Os ny
tumhary liye pahaarhoñ meiñ pnaah-gaaheñ bnaeeñ aur Os ny tumhary liye (kuchh)
aisy libaas bnaey jo tumheñ garmi sy bchaaty heñ aur (kuchh) aisy libaas jo
tumheñ shadeed jang meiñ (dushman k waar sy) bchaaty heñ, is tarrah Allah tum
par apni Naimat ( e Kifaalat-o-hifaazat) poori farmata hy ta k tum (Os ki
Naimtoñ ka aitraaf krty huwy Os k huzoor) sarr-e-niaaz khamm kr do¤
82.
So
agar (phir bhi) wo roo-gardaani kreñ (aur Kufr par datty raheñ) to (Ay
Nabi-e-Mu'azzam s.a.w.w) Aap k zimma to sirf (Mery Paighaam aur Ahkaam ko) saaf
saaf pohncha daina hy¤
83.
Ye
log Allah ki Naimat ko pehchaanty heñ (k ye Allah ki tarraf sy hy) phir os ka
inkaar krty heñ (k Emaan naheeñ laty) aur in meiñ sy aksar Kaafir heñ ¤
84.
Aur
jis Din (yani Roz-e-Qeyaamat) Ham har Ommat sy (os k Rasool ko os Ommat k
aamaal par) gwaah bna kr othaeñ gy phir Kaafir logoñ ko (koi ozr paish krny ki)
ijaazat naheeñ di jaey gi aur na (os waqt) on sy Toba-o-Rujoo ka mutaalba kia
jaey ga ¤
85.
Aur
jab zaalim log azaab daikh leñ gy to na on sy (os azaab ki) takhfeef ki jaey gi
aur na he onheñ muhlat di jaey gi¤
86.
Aur
jab Mushrik log apny (khud saakhta) shreekoñ (yani buttoñ waghaira) ko daikheñ
gy to kaheñ gy: Ay Hmary Rabb! Yehi hmary shreek thy jin ki ham Tujhy chhorh kr
purastish krty thy, pus wo (shurkaa) onheñ (jwaaban) paighaam bhaijeñ gy k
beshak tum jhooty ho (jo hammeñ mabood btaty ho. Ham ny tumheñ apni ibaadat ki
daawat naheeñ di the)¤
87.
Aur
ye (Mushrikeen) os Din Allah k huzoor aajzi-o-farmaañ-bardaari zaahir kreñ gy
aur on sy wo sara buhtaan jata rahy ga jo ye baandha krty thy¤
88.
Jin
logoñ ny Kufr kea aur (dusroñ ko) Allah ki raah sy rokty rahy Ham on k azaab
par azaab ka izaafa kreñ gy is wajjah sy k wo fasaad-angaizi krty thy ¤
89.
Aur
(ye) wo Din ho ga (jab) Ham har Ommat meiñ onhi meiñ sy khud on par aik gwaah
othaeñ gy (ye gwaah Anmbia a.s hoñ gy jo apni apni Ommatoñ par gwaahi deñ gy)
aur (Ay Habib-e-Mukarram s.a.w.w) Ham Aap (s.a.w.w) ko on sb (Ommatoñ aur
Paighambroñ) par gwaah bna kr laeñ gy, aur Ham ny Aap (s.a.w.w) par Wo Azeem
Kitaab naazal farmai hy jo har cheez ka barha waazeh beyaan hy aur Musalmanoñ k
liye Hadaayat aur Rehmat aur Bashaarat hy¤
90.
Beshak
Allah (har aik k sath) addal aur ehsaan ka hukam farmata hy aur qraabat-daroñ
ko daity rehny ka aur bay-ha'yaai aur bury kaamoñ aur sarkashi-o-nafarmani sy
manna farmata hy, Wo tumheñ nasihat farmata hy ta k tum khoob yaad rakho ¤
91.
(Ye
Aayat tmaam khair-o-sharr k beyaan ka majmooa hy. Yehi Aayat Usman Bin Maz'oon
R.A k Islam lany ka sabbab banni Jo farmaty heñ k is Aayat k nazool sy Emaan
Mery dil meiñ jagga pakarh gea. Is Aayat ka asar itna zabar-dast tha k
Waleed-bin-Mughayyara aur Abo-Jehel jaisy sakht-dil Kuffaar ki zubanoñ par bhi
is ki tareef aa he gai. Is liye ye Aayat har Khutbah k aakhir meiñ parhi jati
hy) Aur tum Allah ka Aihed poora kr dia kro jab tum aihed kro (ye Aayat on logoñ
k haq meiñ naazal Hui jinhoñ ny Sarkaar-e-Madina s.a.w.w sy Islam par bait ki
the. Onheñ apny Aihed k wafaa krny ka hukam dia gea. Aur is hukam meiñ insaan
ka har aihed-e-naik aur wada shamil hy) aur Qasmoñ ko pukhta kr lainy k bad
onheñ matt torha kro halañky tum Allah ko (Os k Naam ki Qassam kha kr) apny aap
par zaamin bna chuky ho, beshak Allah khoob janta hy jo kuchh tum krty ho¤
92.
Aur
(tum Aihed aur Qasmeñ torh kr) os aurat ki tarrah na ho jao jis ny apna
soot mazboot kaat lainy k bad torh kr tuk'rhy tuk'rhy kr dala (Makkah Mukarma
meiñ aik aurat the jis ki tabiat meiñ bohut wehem tha aur aqqal meiñ fatoor. Wo
dupeher tak mehnat kr k soot kaata krti aur apni baandiyoñ sy bhi katwaati aur
dupeher k waqt os kaaty huwy ko torh kr raiza raiza kr dalti aur baandiyoñ sy
bhi torhwaati. Yehi os ka maamool tha. Maani ye heñ k apny Aihed ko torh kr os
aurat ki tarrah bay-waqoof na banno), tum apni qasmoñ ko apny darmeyaan
fraib-kaari ka zarria bnaty ho ta k (is tarrah) aik groh dusry groh sy zeyaada
faeda othaany wala ho jaey, bat ye hy k Allah (bhi) tumheñ isi k zarria aazmata
hy, aur Wo tumhary liye Qeyaamat k din on batoñ ko zuroor waazeh farma dy ga
jin meiñ tum ikhtlaaf kia krty thy¤
93.
Aur
agar Allah chahta to tum (sb) ko aik he Ommat bna daita (k tum sb aik he deen
par hoty) laikin Wo jisy chahta hy (Apny Addal sy) gumraah thehra daita hy aur
jisy chahta hy (Apny Fazzal sy) hadaayat farma daita hy, aur tum sy
(Roz-e-Qeyaamat) on kaamoñ ki nisbat zuroor poochha jaey ga jo tum (dunia meiñ)
anjaam dia krty thy¤
94.
Aur
tum apni qasmoñ ko aapas meiñ fraib-kaari ka zarria na bnaya kro warna qaddam
(Islam par) jamm jany k bad larh'kharhaa jaey ga aur tum is wajjah sy k Allah
ki raah sy rokty thy bury injaam ka mazza chak'kho gy aur tumhary liye
zabbar-dast azaab hy ¤
95.
Aur
Allah k Aihed haqeer see qeemat (yani duniyavi maal-o-dolat) k evaz matt baich
dala kro, beshak jo (ajr) Allah k pas hy wo tumhary liye behtar hy agar tum (is
raaz ko) janty ho ¤
96.
Jo
(maal-o-zarr) tumhary pas hy fanaa ho jaey ga aur jo (khazaana-e-Rehmat-o-Swaab-e-Aakhirat)
Allah k pas hy, baqi rehny wala hy, aur Ham on logon ko jinhoñ ny sabr kea
zuroor on ka ajr ataa farmaeñ gy on k achhy aamaal k evaz jo wo anjaam daity
rahy thy ¤
97.
Jo
koi naik ammal kry (khawaa) mard ho ya aurat jab k wo Momin ho (Momin hona
shart hy q k Kuffaar k aamaal baikaar heñ.) to Ham osy zuroor pakiza zindagi k
sath zinda rakheñ gy, aur onheñ zuroor on ka ajr (bhi) ataa farmaeñ gy (dunia
meiñ Rizq-e-Halaal aur qanaa'at ataa farma kr aur Aakhirat meiñ Jannat ki Naimteñ
dy kr) on achhy aamaal k evaz jo wo anjaam daity thy ¤
98.
So jab Aap Quran
parhny laggeñ to Shetan Mardood (ki waswasa-andaaziyoñ) sy Allah ki pnaah maang
lia kreñ (yani Tilaawat-e-Quran-e-Kareem shuroo krty waqt Ta'ooz parh lia kreñ)¤
99.
Beshak osy (yani
Shetan ko) on logoñ par kuchh (bhi) ghalba hasil naheeñ hy jo Emaan laey aur
apny Rabb par tawakkal krty heñ¤
100.
Bas os ka ghalba
sirf onhi logoñ par hy jo osy dost bnaty heñ aur jo Allah k sath shirk krny
waly heñ ¤
101.
Aur jab Ham kisi
Aayat ki jagga dusri Aayat baddal daity heñ (aur apni hikmat sy aik hukam ko
mansookh kr k dusra hukam deñ) aur Allah (he) behtar janta hy jo (kuchh) Wo
naazal farmata hy (k is meiñ kia hikmat aur Os k bndoñ k liye is meiñ kia
muslehat hy to) Kuffaar kehty heñ k Aap (s.a.w.w) to bs apni tarraf sy gharhny
waly heñ, (is par Allah ny Kuffaar ka radd farmaya aur irshaad huwa) balky on
meiñ sy aksar log (Aayatoñ k otaarny aur baddalny ki hikmat) naheeñ janty ¤
102.
Farma deejiye: Is
(Quran) ko Rooh-ul-Quds (Jibraeel a.s) ny Aap (s.a.w.w) k Rabb ki tarraf sy
schai k sath otaara hy ta k Emaan waloñ ko saabit-qaddam rakhy aur (ye)
Musalmanoñ k liye Hadaayat aur Bashaarat hy ¤
103.
Aur beshak Ham
janty heñ k wo (Kuffaar-o-Mushrikeen) kehty heñ k Onheñ ye (Quran) mehez koi
aadmi he sikhaata hy, jis shakhs ki tarraf wo bat ko haq sy hataaty huwy
mansoob krty heñ os ki zubaan Ajmi hy aur ye Quran waazeh-o-roshan Arbi zubaan
(meiñ) hy (Kuffaar ny aik Ajmi ghulaam ki nisbat ye kaha k wo Sayyad-e-Aalam
s.a.w.w ko sikhata hy. Is k radd meiñ ye Aayat-e-Kareema naazal hui aur irshad
huwa k aisi baatil bateñ dunia meiñ kon qabool kr skta hy jis ghulaam ki tarraf
Kuffaar nisbat krty heñ wo to Ajmi hy. Aisa kalaam bnana os k to kia tumhary
fus'ha-o-balgha k bas ki bat bhi naheeñ jin ki zubaan-daani par Ehl-e-Arab ko
fakhr-o-naaz hy. Khuda ki Shaan jis ghulaam ki tarraf Kuffaar ye nisbat krty
thy os ko bhi is Kalaam k Aijaaz ny tas'kheer kea aur wo bhi sidq-o-ikhlaas k
sath Islam laya) ¤
104.
Beshak jo log
Allah ki Aayatoñ par Emaan naheeñ laty Allah onheñ Hadaayat (yani sahi
fehm-o-baseerat ki tofeeq bhi) naheeñ daita aur on k liye dard-naak azaab hy ¤
105.
Beshak jhooti
iftra-pardaazi (bhi) wohi log krty heñ jo Allah ki Aayatoñ par Emaan naheeñ
laty aur wohi log jhooty heñ¤
106.
Jo shakhs apny Emaan
lany k bad Kufr kry (os par Allah ka ghazzab), siwaey os k jisy intahai majboor
kr dia gea magar os ka dil (ba-dastoor) Emaan sy mutma'in hy (wo maghzoob
naheeñ. Kuffaar ny Ammaar-bin-Yasir r.a k walidain ko shaheed kia aur Ammaar
r.a par itni sakhti ki k aap ny majboor ho kr kalma-e-kufr keh dia.
Sarwar-e-Aalam s.a.w.w ny on sy poochha k kalma-e-Kufr k waqt tumhary dil ka
kia aalam tha, Ammaar r.a ny kaha k Emaan par jamma huwa tha. To Aap s.a.w.w ny
Ammaar r.a ko bay-gunah qraar dia), laikin (haañ) wo shakhs jis ny (dobara)
sharrah-e-sdr k sath Kufr (ikhtiaar) kea so on par Allah ki tarraf sy ghazzab
hy aur on k liye zabbar-dast azaab hy ¤
107.
Ye is wajjah sy k
onhoñ ny duniyavi zindagi ko Aakhirat par aziz rakha aur is liye k Allah
Kaafiroñ ki qom ko hadaayat naheeñ fermata ¤
108.
Ye (sharrah-e-sdr
k sath Kufr krny waly) wo log heñ k Allah ny in k dilloñ par aur in k kaanoñ
par aur in ki aankhoñ par muhr lga di hy aur yehi log he (Aakhirat k injaam sy)
ghaafil heñ ¤
109.
Ye haqiqat hy k
beshak yehi log Aakhirat meiñ khsaara othaany waly heñ ¤
110.
Phir Aap
(s.a.w.w) ka Rabb on logoñ k liye jinhoñ ny aazmaeshoñ (aur takleefoñ) meiñ
mubtla kiye jany k bad hijrat ki (yani Allah k liye apny wattan chhorh diye aur
Makkah Mukarrama sy Madina Munavvara hijrat ki) phir jahaad kiye aur
(preshaniyoñ par) sbr kiye to (Ay Habib-e-Mukarram s.a.w.w) Aap ka Rabb is
(hijrat-o-jahaad aur sbr) k bad barha bakhshny wala nehaayat Mehrban hy ¤
111.
Wo din (yaad
kreñ) jab har shakhs mehez apni jan ki tarraf sy (difa k liye) jhagarhta huwa
haazir ho ga aur har jan ko jo kuchh os ny kia ho ga os ka poora poora bdla dia
jaey ga aur on par koi zulm naheeñ kia jaey ga (Roz-e-Qeyaamat Rooh-o-Jism me b
jhagrha ho ga. Rooh kahy gi: Ya Rabb na mery hath thy, na paoñ, na aankh. Jism
kahy ga: Ya Rabb me to lakrhi ki tarrah tha, Jab Rooh Noori shuaa ki tarrah ai
to is sy meri zubaan bolny lagi, aankh beena ho gai, paoñ chalny laggy. Jo
kuchh kia is ny kea.Allah aik misaal beyaan farmaey ga k aik andha aur aik
loola donoñ baagh meiñ gaey. Andhy ko phall nazar naheeñ aaty thy aur looly ka
hath on tak naheeñ pohnchta tha. To andhy ny looly ko apny oopar swaar kr lia.
Is tarrah onhoñ ny phall torhy to donoñ saza k mustahiq huwy. So Rooh-o-Jism
donoñ mulzim heñ) ¤
112.
Aur Allah ny aik
aisi basti ki misaal beyaan farmai hy jo (barhy) aman aur itminaan sy (aabaad)
the os ka rizq os k (makeenoñ k) pas har tarraf sy barhi wus'at-o-fraaghat k
sath aata tha phir os basti (waloñ) ny Allah ki naimtoñ ki na-shukri ki to
Allah ny osy bhook aur khof k azaab ka libaas pehna dia on aamaal k sabbab sy
jo wo krty thy ¤
113.
Aur beshak on k
pas onhi meiñ sy aik Rasool aaya to onhoñ ny Osy jhutlaya pus onheñ azaab ny aa
pakrha aur wo zaalim he thy (yehi haal Ehl-e-Makkah ka huwa k wo khush-haal thy
magar jab onhoñ ny Sarwar-e-Aalam s.a.w.w ki takzeeb ki to Aap s.a.w.w ki
bd-dua sy qehet aur khushk-saali ki museebat meiñ griftaar rahy yahaañ tak k
murdaar khaty thy. Phir aman k bjaey khof-o-hraas on par musallat huwa aur har
waqt Musalmanoñ k hamly ka andesha rehny lagga) ¤
114.
Pus jo halaal aur
pakiza rizq tumheñ Allah ny bakhsha hy, tum os meiñ sy khaya kro aur Allah ki
naimat ka shukr bja laty raho agar tum Osi ki ibaadat krty ho¤
115.
Os ny tum par
sirf murdaar aur khoon aur khanzeer ka gosht aur wo (jaanwar) jis par zibbah
krty waqt ghair-Allah ka naam pukaara gea ho (yani os ko buttoñ k naam par
zibbah kia gea ho), hraam kia hy, phir jo shakhs haalat-e-iztraar (yani intahai
majboori ki haalat) meiñ ho, na (tallab-e-lazzat meiñ Ahkaam-e-Elahi sy)
sarkashi krny wala ho aur na (majboori ki hadd sy) tajaawaz krny wala ho, to
beshak Allah barha bakhshny wala nehaayat Mehrban hy ¤
116.
Aur wo
jhoot matt kaha kro jo tumhari zubaaneñ beyaan krti rehti heñ k ye halaal
hy aur ye haraam hy is tarrah k tum Allah par jhoota buhtaan baandho
(zamaana-e-jahiliat k log apni tarraf sy baaz cheezoñ ko halaal, baaz ko haraam
kr lia krty thy aur is ki nisbat Allah Ta'aala ki tarraf kr daity), beshak jo
log Allah par jhoota buhtaan baandhty heñ wo (kabhi) flaah naheeñ paeñ gy ¤
117.
(Duniyavi) Faeda
thorha hy magar on k liye (Aakhirat ka) azaab (barha) dard-naak hy ¤
118.
Aur Yahood par
Ham ny wohi cheezeñ haraam ki theeñ jo Ham pehly Aap sy (Surah Al-An'aam meiñ)
beyaan kr chuky heñ aur Ham ny on par zulm naheeñ kia tha laikin wo khud
(baghaawat-o-maasiyyat ka irtkaab kr k) apni jaanoñ par zulm kia krty thy ¤
119.
Phir beshak Aap
ka Rabb on logoñ k liye jinhoñ ny naadani sy (baghair injaam sochy) ghaltiyañ
keen phir os k bad taeb ho gaey aur (apni) haalat durust kr li to beshak Aap ka
Rabb is (toba) k bad barha bakhshny wala nehaayat Mehrban hy ¤
120.
Beshak Ibrahim
(a.s tanha Zaat meiñ) aik Ommat thy, Allah k barhy farmaañ-bardaar thy, har
baatil sy kinara-kash (sirf Osi ki tarraf yaksoo) thy, aur Mushrikoñ meiñ sy na
thy ¤
121.
Os (Allah) ki
naimtoñ par shaakir thy, Allah ny Onheñ chun (kr Apni Baargah meiñ Khaas
barguzeeda bna) lia aur Onheñ seedhi raah ki tarraf hadaayat farma di ¤
122.
Aur Ham ny Onheñ
dunia meiñ (bhi) bhlai ataa farmai, aur beshak Wo Aakhirat meiñ (bhi) Saliheen
meiñ sy hoñ gy ¤
123.
Phir (Ay
Habib-e-Mukarram s.a.w.w) Ham ny Aap (s.a.w.w) ki tarraf Wahi bhaiji k Aap
(s.a.w.w) Ibrahim (a.s) k Deen ki pairvi kreñ jo har baatil sy juda thy, aur Wo
Mushrikoñ meiñ sy na thy (Ibrahim a.s k Fazael meiñ sb sy Aa'la fazzal-o-sharf
ye hy k Sardaar-e-Anmbia s.a.w.w ny Aqaaed-o-Osool-e-Deen meiñ Deen-e-Ibrahimi
a.s ki mawaafiqat farmai) ¤
124.
Hafta ka din sirf
onhi logoñ par muqarrar kia gea tha jinhoñ ny is meiñ ikhtilaaf kia (Moosa a.s
ny apni qom sy Juma k din ki tazeem ka hukam farmaya tha aur irshad kia tha k
hafta meiñ aik din Allah Ta'aala ki ibadat k liye khaas kro. Os din koi kaam na
kro. Kuchh logoñ k siwa baqi qom ny is meiñ ikhtilaaf kea aur kaha wo din Juma
naheeñ balky hafta hona chahye), aur beshak Aap ka Rabb Qeyaamat k Din on k
darmeyaan on (baatoñ) ka faisla farma dy ga jin meiñ wo ikhtilaaf kia krty thy ¤
125.
(Ay
Rasool-e-Muazzam s.a.w.w) Aap Apny Rabb ki Raah ki tarraf Hikmat aur Omda
Nasihat k sath bulaeye aur on sy behes (bhi) aisy andaaz sy keejiye jo Nehaayat
Ahsan ho, beshak Aap (s.a.w.w) ka Rabb os shakhs ko (bhi) khoob janta hy jo Os
ki Raah sy bhattak gea aur Wo Hadaayat-Yaafta logoñ ko (bhi) khoob janta hy ¤
126.
Aur agar tum saza
daina chaho to otni he saza do jis qaddar takleef tumheñ di gai the
(Jang-e-Ohad meiñ Kuffaar ny Hazrat Hamza r.a ka Pait chaak kia aur On k Aa'za
kaaty. Huzoor s.a.w.w ko bohut sadma huwa aur Aap s.a.w.w ny Qassam khai k
Hazrat Hamza r.a k bdly meiñ 70 Kaafiroñ ka yehi haal kia jaey ga. Is par ye
Aayat naazal hui to Aap s.a.w.w ny Apna irada tark farmaya aur Qassam ka
Kaffaara dia), aur agar tum sabbar kro (aur intqaam na lo) to yaqinan wo sabbar
krny waloñ k liye behtar hy ¤
127.
Aur (Ay
Habib-e-Mukarram s.a.w.w) sabbar keejiye aur Aap (s.a.w.w) ka sabbar krna Allah
he k sath hy aur Aap (s.a.w.w) on (ki sar-kashi) par ranjida-khaatir na huwa
kreñ aur Aap (s.a.w.w) on ki Fraib-kaariyoñ sy (Apny Kushaada Seena meiñ) tangi
(bhi) mehsoos na kia kreñ (q k Allah Aap s.a.w.w k sath hy) ¤
128. Beshak Allah on logoñ ko Apni Ma'eyyat (e Khaas) sy
nawaazta hy jo Sahibaan-e-Taqwa hoñ aur wo log jo Sahibaan-e-Ehsaan (bhi) hoñ¤{LAST
AAYAT OF 14th PARA} 14th Para ka tarjuma (September 25, 2012 to January 10, 2013) 108 din meiñ mukammal huwa.
Surah AN-NAHL Makki Surah hy.
14th Para (RUBAMA) ki tafseel ye hy.
Ruku : 22
|
Aayaat :
226
|
Surah : Al-Hijr
Aayat : 2 to 99
Surah : Ar-Ra'ad
Aayat : 1 to 128
Surah
AN-NAHL ka Tarjuma 75 din (October 28,
2012 to January 10, 2013) meiñ mukammal huwa hy .
SURAH AN-NAHL ki tafseel ye hy.
Ruku : 16
Para : 14 (Ruku 07 to 22)
Aayaat :
128
Kalimaat : 2840
Huroof : 7707
Surah : Al-Hijr
|
Aayat : 2 to 99
|
Surah : Ar-Ra'ad
|
Aayat : 1 to 128
|
Surah AN-NAHL ka Tarjuma 75 din (October 28, 2012 to January 10, 2013) meiñ mukammal huwa hy .
SURAH AN-NAHL ki tafseel ye hy.
Ruku : 16
|
Para : 14 (Ruku 07 to 22)
|
Aayaat :
128
|
Kalimaat : 2840
|
Huroof : 7707
|
